மீண்டும் மஞ்சள் பை!

நெகிழிகள் என்று அழைக்கப்படும் பிளாஸ்டிக் பொருட்கள் மக்களுக்கு மட்டுமில்லாமல் மற்ற உயிரினங்களுக்கும் பெரும் பாதிப்பினை ஏற்படுத்தி வரு கிறது. இதனால் உடல் பாதிப்பு மட்டுமில்லை, உயிராபத்தும் ஏற்பட வாய்ப்புள்ளது.

 இது குறித்த விழிப்புணர்வு முன்பைவிட மக்கள் மத்தியில் அதிகரித்துள்ளது. இந்த நிலையை தடுக்கவே பிளாஸ்டிக் பைகளை ஒழித்து, நம்முடைய பாரம்பரிய துணிப்பைகளை பயன்படுத்த அரசும், சுற்றுப்புறச்சூழல் ஆர்வலர்களும் பல் வேறு நடவடிக்கைகளை மேற்கொண்டு வரு கின்றனர். மேலும் சில தன்னார்வ தொண்டு நிறுவனங்கள் மற்றும் சமூகநலன் மேல் அக்கறை கொண்ட தொழில்முனைவோர் களும் இதற்கான ஆதரவுக்கரம் நீட்டி வருகின்றனர். அதில் மதுரையை சேர்ந்த கிருஷ்ணன் கௌரி தம்பதியினரும் தங்களால் முடிந்த விழிப்புணர்வினை ஏற்படுத்தி வருகிறார்கள். இவர்கள் 'த யெல்லோ பேக்' என்ற பெயரில் ஒரு நிறுவ னம் அமைத்து அதன் மூலம் மீண்டும் மஞ்சள் பைக்கு மக்கள் மாற வேண்டும் என்ற நோக்கத்தில் துணிப்பைகளை தயாரித்து வருகிறார்கள்.

"நானும் என் கணவர் கிருஷ்ணன் இருவ ருமே ஐ.டி துறையை சேர்ந்தவங்க. கை நிறைய சம்பளம். வசதியான வாழ்க்கை. எல்லாம் நல்லபடியாகத்தான் இருந்தது.