આંખના ડૉક્ટરની દૃષ્ટિએ જુઓ સૃષ્ટિ

જન્મ્યા ત્યારથી અત્યાર સુધીમાં આપણે અનેક ડૉક્ટર પાસે કોઈને કોઈ બીમારીના ઈલાજ માટે ગયા હોઈશું. આપણી આસપાસ પણ એવા કેટલાક તબીબો રહેતા હશે. એમાંથી અમુક ડોક્ટર જુદી જુદી કળામાં માહિર કે અવનવો શોખ ધરાવતા હોય છે.

એવા એક તબીબ છે અમદાવાદના આઈ સજર્યન ડૉ. બકુલ ત્રિવેદી, પક્ષીવિશારદ તરીકે એ ગુજરાતમાં આગવી ઓળખ પામ્યા છે. ત્રણ દાયકા કરતાં વધુ સમયથી એ પક્ષીદર્શન એટલે કે બર્ડ વોચિંગ કરે છે. બર્ડ કન્ઝર્વેશન સોસાયટી ઓફ ગુજરાતની સ્થાપનામાં પણ એમનો મોટો ફાળો રહ્યો છે.