సర్కారు మాటే సాగు బాట

నానబోసిన వడ్ల గింజల నుంచి తెల తెల్లటి మొలకలు రావడం... మడిలో ఆ మొలకల్ని చల్లితే నారుగా ఊపిరి పోసుకోవడం... నాటేసిన నారు, పిలకలు వేసి గుత్తులుగా కంకులు కాయడం... ఆ బంగరు కంకుల గింజలు తలెలో మెతుకులుగా, అన్నం ముద్దగా మారడం.. ఇది పరంపరగా జరిగే మార్పుల ఫలితం!!

విత్తనాలుగా పిలుచుకునే కొన్ని వడ్ల గింజలు పెద్ద ధాన్యపు రాసిగా మారడానికి కారణం... మారే తత్వం ఆ గింజల్లో ఉండడమే! మార్పుకు అవి సిద్ధం కావడమే! మారడానికి అనువైన వాతావరణాన్ని రైతు కల్పిస్తే, దాని ఆలంబనగా విత్తనం పెద్ద చేనుగా మారుతున్నది.