ഇന്റർനെറ്റ് സുരക്ഷ പഠിക്കാൻ സൈബർ സെക്യൂരിറ്റി

സൈബർ സുരക്ഷിതത്വത്തിന്റെ പ്രാധാന്യം ഏറിവരുന്നതിനാൽ മികച്ച പ്രഫഷനൽ സാധ്യതയുള്ള പഠനമേഖലയാണിത്

- ബി.എസ്.വാരിയർ

 കപ്യൂട്ടറുകൾ, സെർവറുകൾ, നെറ്റ്വർ ക്കുകൾ, പ്രോഗ്രാമുകൾ, മൊബൈൽ ഉപയുക്തികൾ, ഇലക്ട്രോണിക് വ്യവസ്ഥകൾ, ശേഖരിച്ചുവച്ചിരിക്കുന്ന ഡേറ്റ എന്നിവയെയെല്ലാം സൈബർ ആക്രമണങ്ങളിൽ നിന്നു രക്ഷിച്ച് സൂക്ഷിക്കുന്ന വ്യവസ്ഥയാണു സൈബർസെക്യൂരിറ്റി എന്ന മേഖല.

ബാങ്കുകളിലെ പണം, രാജ്യസുരക്ഷ സംബന്ധി ച്ച രഹസ്യങ്ങൾ, പുറത്തുവിടാത്ത ബിസിനസ് കാര്യങ്ങൾ, മെഡിക്കൽ ഡേറ്റ, വ്യക്തികളെയും സ്ഥാപനങ്ങളെയും കുറിച്ചുള്ള വിവരങ്ങൾ എന്നിവയെല്ലാം അപഹരിക്കാൻ ശ്രമിക്കുന്ന ക്രിമിനലുകളെ പരാജയപ്പെടുത്തുന്ന ഉത്തരവാദിത്തം സൈബർ സെക്യൂരിറ്റിയുടേതാണ്.

അനിവാര്യമായ സുരക്ഷ

സൈബർ സെക്യൂരിറ്റിക്കു പല ഘടകങ്ങളുമുണ്ട്. ഇൻഫർമേഷൻ സെക്യൂരിറ്റി, നെറ്റ്വർക് സെക്യൂരിറ്റി, ആപ്ലിക്കേഷൻ സെക്യൂരിറ്റി, ക്ലൗഡ് സെക്യൂരിറ്റി മുതലായവ.