മെക്കാനിക്കലിന്റെ അനുബന്ധ വഴി പ്രൊഡക്ഷൻ എൻജിനീയറിങ്

പ്രൊഡക്ഷൻ എൻജിനീയറിങ്ങിന്റെ പഠനാവസരങ്ങളും സാധ്യതയും അറിയാം

ഈ  പഠനശാഖയുടെ പാഠ്യക്രമത്തിലെ ഏറിയ പങ്കും മെക്കാനിക്കൽ എൻജിനീയറിങ്ങാണ്. മാനുഫാക്ചറിങ് വ്യവസായങ്ങളുടെ പ്രവർത്തനം കാര്യക്ഷമമാക്കുന്നതിലാണ് പ്രൊഡക്ഷൻ എൻജിനീയറിങ്ങിന്റെ ഊന്നൽ.

മേഖലകൾ പലത്

വ്യവസായോത്പന്നങ്ങളുടെ ഗുണമേന്മ ഉറപ്പാ ക്കുക, കുറഞ്ഞ ചെലവിൽ മെച്ചമായ ഉത്പന്ന ങ്ങൾ നിർമിക്കുക എന്നിവ കിടമത്സരം നിറഞ്ഞു നിൽക്കുന്ന വിപണിയിൽ വിജയിക്കാൻ ആവശ്യമാണ്. രൂപകൽപന, അസംസ്കൃത വസ്തുക്കളുടെ സമാഹരണം, നിർമാണപ്രവർത്തനങ്ങളുടെ വിവിധ ഘട്ടങ്ങൾ, ഗുണനിയന്ത്രണം, യന്ത്രങ്ങളുടെ പരിപാലനം, പ്രവർത്തകരുടെ മേൽനോട്ടവും പൊതു മാനേജ്മെന്റും എന്നിങ്ങനെ നിർമാണവ്യവസായവുമായി ബന്ധപ്പെട്ട മേഖലകളിലെല്ലാം പ്രാവീണ്യം ആർജിച്ച് കാര്യക്ഷമമായ പ്രവർത്തനം ഉറപ്പാക്കാനുള്ള പരിശീലനമാണ് ഈ പ്രോഗ്രാമിന്റെ ലക്ഷ്യം.