മെറ്റാവേഴ്സിലെ കുറ്റകൃത്യങ്ങൾ

മെറ്റാവേഴ്സിൽ പെൺകുട്ടി കൂട്ടബലാൽസംഗത്തിന് ഇരയായതിന്റെ ഞെട്ടലിലാണു ലോകം

മെറ്റാവേഴ്സിലെ ആദ്യ ബലാൽസംഗക്കേസ് ഡിജിറ്റൽ കുറ്റകൃത്യങ്ങളുടെ പുതിയ വഴിത്തിരിവുമാകുമോ? മെറ്റാവേഴ്സിൽ നടന്ന കുറ്റകൃത്യത്തിൽ ലോകത്ത് ആദ്യമായി ബ്രിട്ടിഷ് പൊലീസ് കേസെടുത്തതോടെ ഈ സംഭവം ആഗോളശ്രദ്ധയിലെത്തിയിരിക്കുന്നു.

ബ്രിട്ടനിലാണ് 16 വയസ്സിൽ താഴെയുള്ള പെൺകുട്ടി മെറ്റാവേഴ്സിൽ കൂട്ടബലാൽസംഗത്തിന് ഇരയായത്. വെർച്വൽ റിയാലിറ്റി (വിആർ) ഹെഡ്സെറ്റ് ഉപയോഗിച്ചു വിഡിയോ ഗെയിം കളിക്കുകയായിരുന്നു പെൺകുട്ടി. ലൈവ് വിഡിയോ ഗെയിമിൽ ചില പുരുഷൻമാരും പങ്കെടുത്തിരുന്നു. പെൺകുട്ടിയുടെ വെർച്വൽ അവതാറിനെ (ഡിജിറ്റൽ പ്രതിരൂപം) വെർച്വൽ ലോകത്തുണ്ടായിരുന്ന മറ്റുള്ളവർ ചേർന്നു ബലാൽസംഗം ചെയ്യുകയായിരുന്നു.

ആഘാതം ആഴത്തിൽ