ഗുരുവായൊരു ദക്ഷിണ

പ്രിയ അധ്യാപികയുടെ വാക്കുകൾ പ്രചോദനമാക്കി, റാങ്ക് നേട്ടത്തോടെ എച്ച്എസി സ്വപ്നം പൂവണിയിച്ച് ജിഷി

- റിയ ജോയ്

"എന്റെ ലതിക ടീച്ചറിനാണു ഞാൻ ഈ  റാങ്ക് സമർപ്പിക്കുന്നത്. ഇപ്പോൾ എവിടെയുണ്ടെന്നുപോലും അറിയാത്ത എന്റെ പ്രിയ ടീച്ചർക്കു വേണ്ടിയാണ് നേട്ടം.

സ്കൂൾ ടീച്ചർ (മലയാളം) പരീക്ഷയിൽ കണ്ണൂർ ജില്ലയിലെ ആറാം റാങ്കിന്റെ ആഹ്ലാദത്തിലും ജിഷിയുടെ മനസ്സ് ഒരുപാടു കാലം പിറകോട്ടു സഞ്ചരിക്കുന്നു.

അധ്യാപികയാകണമെന്ന് പ്രചോദനത്തിന്റെ ആദ്യ പാഠം ജിഷിക്കു പകർന്നത് സ്കൂളിൽ മലയാളം പഠിപ്പിച്ച ലതിക ടീച്ചറാണ്. അന്നു കൊടുത്ത വാക്ക് വർഷങ്ങൾക്കുശേഷം നിറവേറ്റുമ്പോൾ പ്രിയപ്പെട്ട ഗുരുനാഥ ഇപ്പോൾ എവിടെയാണെന്നുപോലും ജിഷിക്കറിയില്ല. വളരുമ്പോൾ മലയാളം അധ്യാപികയാകണമെന്ന ലതിക ടീച്ചറുടെ ഉപദേശം ഹൃദയത്തിലേറ്റിയ ശിഷ്യ സെറ്റ്, നെറ്റ്, ജെആർഎഫ് യോഗ്യതാപരീക്ഷകളും ഡോക്ടറേറ്റും സ്വന്തമാക്കിക്കഴിഞ്ഞു.

വിജയമാക്കിയ പരാജയം