അപ്രതീക്ഷിത അവാർഡിന്റെ മധുരം

സനൽകുമാർ ശശിധരൻ സംവിധാനം നിർവ്വഹിച്ച വഴക്കിലെ പ്രകടനത്തിലൂടെ മികച്ച ബാലതാരത്തിനുള്ള സംസ്ഥാന സർക്കാരിന്റെ പുരസ്ക്കാരം നേടിയ തന്മയ സോളിന്റെ വിശേഷങ്ങൾ

- ബിന്ദു പി.പി.

വഴക്കിൽ അഭിനയിച്ചതിനുശേഷമാണ് ഞാൻ അഭിനയിക്കുന്ന കാര്യം എന്റെ ഫാമിലി പോലും തിരിച്ചറിയുന്നത്. അച്ഛനും ചേച്ചിയും സിനിമാമേഖലയിലുള്ളവരായതു കൊണ്ടുതന്നെ സിനിമയിൽ എപ്പോഴാണെങ്കിലും എത്തിപ്പെടുമെന്ന് ഉറപ്പുണ്ടായിരുന്നു. പക്ഷേ, വഴക്കിലേക്ക് എത്തിപ്പെടുന്നത് വളരെ യാദൃച്ഛികമായാണ്. വഴക്ക് നല്ലൊരു തുടക്കമായി. എന്റെ സിനിമാ കരിയറിൽ വഴക്കിന് അവാർഡ് ലഭിക്കുമെന്ന് ഉറപ്പുണ്ടായിരുന്നെങ്കിലും എനിക്ക് അവാർഡ് പ്രതീക്ഷിച്ചിരുന്നില്ല. അതുകൊണ്ടുതന്നെയാണ് അന്ന് സ്ക്കൂളിലേയ്ക്കും പോയതും. മികച്ച ബാലതാരത്തിനുള്ള സ്റ്റേറ്റ് അവാർഡ് ലഭിക്കുമ്പോൾ ഞാൻ ഇതൊന്നും അറിയാതെയാണ് സ്ക്കൂളിൽ പോയത്. സ്ക്കൂൾ കഴിഞ്ഞുവരുന്ന വഴിയിൽ അച്ഛൻ വന്ന് അവാർഡുണ്ടെന്ന് പറയുമ്പോഴും വിശ്വസിക്കാൻ ബുദ്ധിമുട്ടി. അന്ന് എനിക്കുണ്ടായ സന്തോഷം പറഞ്ഞറിയിക്കാനാവുന്നതിന് അപ്പുറമാണ്. സനൽ കുമാർ ശശിധരൻ സംവിധാനം നിർവ്വഹിച്ച് ടോവിനോ തോമസ് നായകനായി എത്തിയ വഴക്കിലെ ഗംഭീര പ്രകടനത്തിന് സംസ്ഥാനസർക്കാരിന്റെ മികച്ച ബാലതാരത്തിനുള്ള അവാർഡ് നേടിയ തന്മയ സോൾ തന്റെ വിശേഷങ്ങൾ പങ്കുവയ്ക്കുന്നു.