പേടിക്കേണ്ട ഫീൽഡല്ല സിനിമ - ശ്രീലതാനമ്പൂതിരി

ബ്ലാക്ക് ആന്റ് വൈറ്റ് കാലത്തെ സിനിമ യ്ക്കൊപ്പം സഞ്ചരിക്കുകയും ഇന്നും സിനിമ- സീരിയൽ മേഖലയിൽ സജീവമായി നിലനിൽക്കുന്ന ശ്രീലതാനമ്പൂതിരി 'നാന'യോടൊപ്പം

- അപ്പൂസ് കെ.എസ്

മലയാള സിനിമ എല്ലാക്കാലത്തും പേര് കേട്ടിട്ടു ള്ളതാണ്. പക്ഷേ ഇപ്പോൾ മറ്റ് ഇൻഡസ്ട്രികളും മലയാള സിനിമയെപ്പറ്റി ചർച്ച ചെയ്യുന്നു. സിനിമയിൽ ഇത്രയും വർഷത്തെ പരിചയമുള്ള ഒരു മുതിർന്ന നടിയായ താങ്കൾക്ക് ഇപ്പോഴെന്ത് തോന്നുന്നു?

ഞാൻ അഭിനയിച്ച പൊസിഷനിൽ നിന്ന് ഇപ്പോൾ നോക്കുമ്പോൾ ടെക്നിക്കൽ സൈഡിലും മറ്റുമൊക്കെ ഒരു പാട് മാറ്റങ്ങൾ വന്നിട്ടുള്ളതായി കാണാം. അന്നൊക്കെ പതിനഞ്ച് ദിവസം കഴിഞ്ഞാൽ ഷൂട്ട് തീരുമല്ലോ. സത്യം പറഞ്ഞാൽ ഇന്നത്തെ സീരിയലിന്റെ രീതിയാണ് അന്നത്തെ സിനിമ. ആളുകൾക്ക് അന്നത് മതിയായിരുന്നു. സിനിമ അന്ന് എങ്ങനെയെടുത്താലും ആളുകൾ കാണും. ടെക്നിക്കുകൾ കുറവാണല്ലോ. ഇന്ന് ക്യാമറ, സംവിധാനം ഒക്കെ മികച്ചത് ആയതുകൊണ്ട് അധികം മേക്കപ്പ് ഒന്നും ഇട്ടില്ലെങ്കിലും കുഴപ്പമില്ല. പക്ഷേ അന്ന് ബ്ലാക്ക് ആന്റ് വൈറ്റ് ആയതു കൊണ്ട് ഒരുപാട് മേക്കപ്പ് ഉപയോഗിക്കണമായിരുന്നു.

സിനിമയിലേക്ക് വഴിതുറന്നത് പാട്ട് ആണല്ലേ...?

എന്റെ അച്ഛന്റെ സഹോദരി കുമാരി തങ്കം പണ്ട് സിനിമ യിൽ അഭിനയിച്ചിട്ടുണ്ട്. എന്റെ ഭർത്താവ് സിനിമ എടുത്തി രുന്നു. ലളിത പത്മിനി രാഗിണിമാരുടെ വലിയമ്മയുടെ മകൻ ആയിരുന്നു അദ്ദേഹം. ഞാൻ കെ.പി.എ.സിയിൽ അഭി നയിക്കുന്ന സമയത്ത് പാട്ട് പാടാനാണ് എന്നെ വിളിച്ചത്. അന്ന് ഞാൻ പത്താം ക്ലാസിൽ ആയിരുന്നു. നാടകത്തിൽ നിന്നപ്പോൾ പഠനം മുടങ്ങി.