ആഗ്രഹിച്ചതു് സ്വന്തമാക്കാൻ

ആഗ്രഹങ്ങൾ ഉണ്ടായതുകൊണ്ടുമാത്രമായില്ല, ഇച്ഛാശക്തിയും നിശ്ചയദാർഢ്യവും കൂടി നേടിയാൽ മാത്രമേ, ലക്ഷ്യങ്ങൾ കീഴടക്കാൻ കഴിയൂ

- ഡോ.സെബിൻഎസ്.കൊട്ടാരം കൺസൾട്ടന്റ്സൈക്കോളജിസ്റ്റ് മോട്ടിവേഷണൽട്രെയ്നർ drsebinskottaram.blogspot.com

ആഗ്രഹങ്ങളും ലക്ഷ്യങ്ങളും എല്ലാവർക്കുമുണ്ടാകും. ചിലർ പലകാര്യങ്ങൾക്കും തുടക്കമിടും. പക്ഷേ, ഒന്നും പൂർത്തിയാക്കില്ല. ആഗ്രഹങ്ങൾ ഉണ്ടായതുകൊണ്ടു മാത്രമായില്ല. ഇച്ഛാശക്തിയും നിശ്ചയദാർഢ്യവും കൂടി ഉണ്ടായാൽ മാത്രമേ ലക്ഷ്യങ്ങൾ കീഴടക്കാൻ കഴിയൂ. ഈ നിശ്ചയദാർഢ്യം നമ്മുടെ ഉള്ളിൽ നിന്നുണ്ടാവേണ്ടതാണ്. എന്നാൽ, ബാഹ്യമായ ഘടകങ്ങൾ അതിനെ സ്വാധീനിക്കുന്നുമുണ്ട്. ഓരോ വ്യക്തിക്കും പഠനം, കുടുംബം, ജോലി, ബിസിനസ്, വൈകാരികം, ആത്മീയം എന്നിങ്ങനെ വിവിധ മേഖലകളിൽ ലക്ഷ്യങ്ങളുണ്ടാകും. എന്നാൽ, ഇവ നേടിയെടുക്കണമെങ്കിൽ ഉറച്ച നിശ്ചയ ദാർഢ്യം ആവശ്യമാണ്. ഏത് വെല്ലുവിളി നിറഞ്ഞ സാഹചര്യത്തിലും ഒരാളുടെ കഴിവിന്റെ പരമാവധി പുറത്തെടുത്തുകൊണ്ട് പ്രയത്നം തുടരുന്നത് ദൃഢനിശ്ചയമുള്ളവരുടെ ലക്ഷണമാണ്. ഈ ദൃഢനിശ്ചയം ലക്ഷ്യത്തിലേക്കുള്ള വഴിയിലുടനീളം നിലനിർത്തണമെങ്കിൽ ആന്തരിക ഊർജം ആവശ്യമാണ്. അതിനാദ്യമായി വേണ്ടത്. തനിക്ക് വേണ്ടതെന്താണെന്ന് തിരിച്ചറിയുക എന്നതാണ്. പലരും പലതിന്റെയും പിന്നാലെ ആവശ്യമില്ലാതെ പോയതിനു ശേഷമായിരിക്കും തങ്ങളുടെ മേഖല തിരിച്ചറിയുന്നത്. നിങ്ങൾക്ക് ഗുണപരമായതും നിങ്ങളുടെ കഴിവുകളും അഭിരുചിയും ചേരുന്നതുമായ മേഖലകളിൽ മനസ്സുറപ്പിക്കുക. ആ ആഗ്രഹത്തിന്റെ കനൽ മനസ്സിൽ കെടാതെ കാത്തു സൂക്ഷിക്കുക.

നിശ്ചയദാർഢ്യം ശക്തമാക്കാൻ