ഹൃദയരക്തക്കുഴലിൽ തടസ്സങ്ങൾ വന്നാൽ

ശാരീരികാധ്വാനം വേണ്ടിവരുമ്പോൾ നെഞ്ചിൽ വേദന വരുകയും വിശ്രമിക്കുമ്പോൾ ഭേദമാകുകയും ചെയ്യുന്നുണ്ടെങ്കിൽ അത് അവഗണിക്കരുത്. ഉടൻ ചികിത്സ തേടണം

ഹൃദയത്തിന്റെ പേശികൾക്ക് രക്തം നൽകുന്ന രക്തക്കുഴലുകളാണ് കൊറോണറി ധമനികൾ. ഇവയിൽ എന്തെങ്കിലും തടസ്സം രൂപപ്പെടുകയും ഹൃദയ പേശികളിലേക്കുള്ള രക്തയോട്ടം നിലയ്ക്കുകയും ചെയ്യുമ്പോഴാണ് ഹാർട്ട് അറ്റാക്ക് ഉണ്ടാകുന്നത്. കൊഴുപ്പടിഞ്ഞും രക്തക്കട്ടയുണ്ടായും തടസ്സങ്ങൾ രൂപപ്പെടാം.

അധ്വാനിക്കുമ്പോൾ മാത്രം വേദന

കൊറോണറി ഹൃദ്രോഗങ്ങൾ പലരീതിയിലാണ് കാണപ്പെടുന്നത്. ചിലയാളുകൾക്ക് ബ്ലോക്ക് വരുമ്പോൾ പ്രത്യേകിച്ച് ലക്ഷണങ്ങളൊന്നും അനുഭവപ്പെടണമെന്നില്ല. മറ്റുചിലർക്ക് അധ്വാനിക്കുന്ന സമയത്തു മാത്രം ലക്ഷണം വരാം. നെഞ്ചുവേദനയോ ശ്വാസംമുട്ടുലോ ഉണ്ടാകാം. എന്നാൽ, അധ്വാനിക്കാത്ത സമയത്ത് ബുദ്ധിമുട്ട് തോന്നുകയുമില്ല. കാരണം, ബ്ലോക്കുണ്ടായെങ്കിലും ഹൃദയപേശികളിലേക്കുള്ള രക്തമൊഴുക്ക് പൂർണമായും തടസ്സപ്പെട്ടിട്ടുണ്ടാവില്ല. അധ്വാനിക്കാത്ത സമയത്ത് ആ ബ്ലോക്കിനിടയിലൂടെ കടന്നുപോകുന്ന രക്തം ഹൃദയത്തിന്റെ പ്രവർത്തനത്തിന് മതിയാകും. അതുകൊണ്ടാണ് ലക്ഷണങ്ങളുണ്ടാകാത്തത്. എന്നാൽ, കൂടുതൽ രക്തയോട്ടം ആവശ്യമായ സമയത്ത് ബ്ലോക്കിനിടയിലുടെ പോകുന്ന രക്തം ഹൃദയ പ്രവർത്തനത്തിന് മതിയാകാതെ വരുകയും ലക്ഷണങ്ങൾ പ്രത്യക്ഷപ്പെടുകയും ചെയ്യും.

അക്യൂട്ട് കൊറോണറി സിൻഡ്രോം

 ചിലയാളുകൾക്ക് ചെറിയ തോതിൽ അധ്വാനിക്കുമ്പോൾ പോലും നെഞ്ചുവേദന (ആൻജൈന) അനുഭവപ്പെടും. പലപ്പോഴും ഇത് ഹാർട്ട് അറ്റാക്കിന്റെ മുന്നോടിയാണന്ന് മനസ്സിലാക്കേണ്ടതുണ്ട്. ഇത് ഹാർട്ട് അറ്റാക്കിലേക്ക് നയിക്കുമോ എന്ന് മനസ്സിലാക്കാനുള്ള രക്തപരിശോധന ഇപ്പോഴുണ്ട്. രക്തത്തിലെ ട്രോപ്പോണിൻ സാന്നിധ്യം തിരി ച്ചറിഞ്ഞാണ് ഇത് വിലയിരുത്തുന്നത്. ക്ഷതമേൽക്കുന്ന ഹൃദയപേശികളിൽ നിന്ന് പുറന്തള്ളുന്ന രാസവസ്തുക്കളായ കാർഡിയാക് ട്രോപ്പോണിൻ - ടി, ട്രോപ്പോണിൻ-ഐ തുട ങ്ങിയവ നിശ്ചിത അളവിൽ കൂടുതൽ രക്തത്തിലുണ്ടങ്കിൽ അത് ഗൗരവമായി കാണേണ്ടതാണ്. ഇങ്ങനെയുള്ള 10 ശതമാനം ആളുകളിൽ ഹാർട്ട് അറ്റാക്കിനുള്ള സാധ്യതയുണ്ട്. ട്രോപ്പോണിൻ നെഗറ്റീവായവരിൽ ഹാർട്ട് അറ്റാക്ക് വരാനുള്ള സാധ്യത അടുത്ത ഒരു മാസത്തിനുള്ളിൽ ഒരു ശതമാനത്തിൽ താഴെയാണ്.

ഹാർട്ട് അറ്റാക്ക്