தமிழன் கால்வாய்... கனவு நிறைவேறுமா?

மதக்கலாச்சாரம் மேலோங்கி நிற்கும் இந்தியா போன்ற நாடுகளில் 'ரிலிஜியஸ் சென்டிமென்ட்' காரணமாக பல வளர்ச்சித் திட்டங்கள் முடங்கிவிடுகின்றன.

அப்படிப்பட்ட ஒரு மெகா திட்டம் சேதுசமுத்திர திட்டம் எனப்படும் தமிழன் கால்வாய் திட்டம். அகன்று பரந்த தமிழர்களின் கடல் பரப்புக்குள் தமிழ்நாடு -இலங்கை என்னும் இரு நிலப்பரப்புக்கு நடுவே தோண்டப்படவேண்டிய கால்வாய், அது அனுமார் கட்டிய ராமர் பாலம்.  தொடக்கூடாது' என்று இந்துத்துவ வாதிகள் போட்ட கூச்சலால் அப்படியே கிடப்பில் போடப்பட்டது.

இப்போது 'மன்னார் வளைகுடாவில் ராமர் பாலமே இல்லை' என நாடாளுமன்றத்தில் ஒன்றிய பாஜக அரசு திட்டவட்டமாக கூறிவிட்டது. இந்த பதிலை அடிப்படையாக வைத்து சேது சமுத்திரத் திட்டத்தை செயல்படுத்தவேண்டும் என பலரும் குரல் எழுப்பத் தொடங்கிவிட்டனர்.

மூன்று புறம் கடல் சூழ்ந்த தீபகற்ப நாடான இந்தியா 7 ஆயிரத்து 517 கிலோ மீட்டர் நீள கடற்கரையை கொண்டது. இங்கு 12 பெருந்துறைமுகங்கள், 185 சிறிய துறைமுகங்கள் உள்ளன. இதனால் கடல் வாணிபத்தில் இந்தியா பல நூற்றாண்டுகளாக தழைத்தோங்கியுள்ளது.