அதிகரிக்கும் சாலை விபத்துகள் .. என்?

சமீப காலமாக சாலை விபத்துகள் தினசரி செய்தியாகி, பல உயிர்கள் பறிபோகும் கொடுமை சோகத்தை ஏற்படுத்தியுள்ளது.

- எஸ்.ரவீந்திரன்

சராசரியாக, இந்தியாவில் மட்டும் ஒவ்வொரு நாளும் 1,317 சாலை விபத்துகள் ஆண்டுக்கு 474 உயிரிழப்புகள் நிகழ்ந்துள்ளன. இன்னும் சரியாக சொல்வதென்றால் ஒவ்வொரு மணி நேரத்திற்கும் 55 விபத்துக்கள் மற்றும் 20 உயிரிழப்புகள் நிகழ்ந்துள்ளன என புள்ளி விவரங்கள் கூறுகின்றன.

கடந்த வாரத்தில் கேரளாவின் ஆலப்புழா மருத்துவக் கல்லூரி மருத்துவமனையில் முதலாமாண்டு எம்.பி.பி.எஸ். படித்து வந்த 5 கல்லூரி மாணவர்கள் காரில் சென்றுக் கொண்டிருந்த நிலையில்...

கேரள அரசு பேருந்து மீது மோதி விபத்திற்குள்ளானதில் 5 பேரும் பரிதாபமாக உயிரிழந்தனர். சென்னையை அடுத்த திருப்போரூர் அருகே பண்டிதமேடு ஓ.எம்.ஆர். சாலையில் பெண்கள் மாடு மேய்த்துக் கொண்டிருந்தனர். அப்போது அவ்வழியாக அதிகவேகத்தில் வந்த கார் கண்ணிமைக்கும் நேரத்தில் அந்த பெண்கள் மீது மோதியது. இந்த விபத்தில் சினிமா பாணியில் 5 பெண்களும் தூக்கி வீசப்பட்டு சம்பவ இடத்திலேயே ரத்த வெள்ளத்தில் துடிதுடித்து உயிரிழந்தனர். இந்த விபத்துக்கு காரணமான 5 கல்லூரி மாணவர்கள் கைது செய்யப்பட்டனர். இப்படி தினமும் பல விபத்துகள் நடப்பது தொடர் கதையாகி வருகிறது.

உலகில் ஆண்டுதோறும் சுமார் 12 லட்சம் பேர் சாலை விபத்துகளால் உயிரிழப்பதாக தெரிவித்துள்ள உலக சுகாதார நிறுவனம், 2030க்குள் விபத்துகளின் எண்ணிக்கையை 50% குறைத்திட வேண்டும் என இலக்காக நிர்ணயித்து, அனைத்து நாடுகளையும் நடவடிக்கைகளை எடுக்க வலியுறுத்தி வருகிறது.

விபத்து குறித்து சமீபத்தில் மத்திய சாலைப் போக்குவரத்து அமைச்சர் நிதின் கட்கரி கூறியதாவது: