തൊടുപുഴയാറിന്റെ ലാൻഡ്സ്കേപ് വ്യൂ

കണ്ണെത്തും ദൂരെ കാണുന്ന ആറിന്റെ കാഴ്ച ആവോളം ആസ്വദിക്കാവുന്ന ശാന്ത സുന്ദരമായ ഡിസെൻ

- സോന തമ്പി

ആറ്റുതീരത്തൊരു സ്വപ്നഭവനം മോഹിക്കാത്തവരുണ്ടോ? അങ്ങനൊരു പ്രോജക്ട് ഡിസൈൻ ചെയ്യാൻ ആഗ്രഹിക്കാത്ത ആർക്കിടെക്ട്മാരുണ്ടാവുമോ? ആർക്കിടെക്ട് യദു മോഹൻദാസ് ഇത്തരമൊരു അവസരം കിട്ടിയത് ഭാഗ്യമായി കരുതുന്നു.

ഒന്നരയേക്കർ വിസ്തൃതിയിൽ രണ്ടു തട്ടായി കിടക്കുന്ന ഭൂമി. വടക്ക് വശത്ത് തൊടുപുഴയാർ ഇങ്ങനെ ഒഴുകുന്നു... ഏറ്റവും നല്ല കാഴ്ചഭംഗി കിട്ടുന്ന രീതിയിൽ വേണം ഡിസൈൻ എന്ന് ആർക്കിടെക്ട് വിചാരിക്കുന്നതിൽ തെറ്റില്ലല്ലോ...

പ്ലോട്ടിനെ തട്ടിനിരപ്പാക്കിയില്ല

രണ്ട് ലെവൽ ഭൂമിയെ അങ്ങനെ തന്നെ നിലനിർത്തുകയായിരുന്നു ആർക്കിടെക്ട്. അതുകൊണ്ട് മനോഹരമായ ലാൻ ഡ്സ്കേപ്പും വീടിന് ലാൻഡ്സ്കേപ് കാഴ്ചയും ഒരുക്കാനായി. മുകളിലെ തട്ടിലാണ് വീടിരിക്കുന്നത്. പ്ലോട്ടിന്റെ ഏതു മൂലയിൽ നിന്നു നോക്കിയാലും വീടിന്റെ തലയെടുപ്പ് കാണാതെ പോവില്ല. ഓരോ ഭാഗത്തുനിന്നും ഓരോ തരം കാഴ്ചയാണ്.