അളവുകൾക്കപ്പുറത്തുണ്ട് അളവില്ലാത്ത നന്മ

യുക്തി അളന്നു കണക്കാക്കുമ്പോൾ ഹൃദയം അളവില്ലാതെ നൽകുന്നു. അന്യർ  കാണാൻ വേണ്ടി ചെയ്യുന്നതിൽ ആത്മാർഥത ഉണ്ടാകണമെന്നില്ല

അന്യരെ അറിയേണ്ടത് തലച്ചോറു കൊണ്ടല്ല, ഹൃദയം കൊണ്ടാണ്. ഒന്നാം ക്ലാസിലെ അധ്യാപകൻ കുട്ടിയോട് ഒരു ചോദ്യം ചോദിച്ചു: “ഞാൻ നിനക്കൊരു മാങ്ങ തന്നു എന്ന് കരുതുക. പിന്നെ ഒന്നുകൂടി. വീണ്ടും ഒന്നുകൂടി. ഇപ്പോൾ നിന്റെ പക്കൽ എത്ര മാങ്ങയായി?'

കുട്ടി ഉത്തരം പറഞ്ഞു: “നാല്

അധ്യാപകൻ നിരാശനായി; മറ്റൊരു രീതിയിൽ ശ്രമിച്ചു. തന്റെ കൈയിലെ മൂന്നു മാ ങ്ങ ഓരോന്നായി എടുത്തുകാട്ടി ചോദിച്ചു: “ഇപ്പോൾ എന്റെ കൈയിൽ എത്ര മാങ്ങ?"

“മൂന്ന്. ശരിയുത്തരം

"ഗുഡ്. ഇനി ആ ചോദ്യം: ഞാൻ നിനക്ക് ഒരു മാങ്ങയും പിന്നെ ഒരു മാങ്ങയും വീണ്ടും ഒരു മാങ്ങയും തന്നാൽ നിന്റെ പക്കൽ ആകെ എത്ര മാങ്ങയായി?' നാല്.

അധ്യാപകന് അരിശം വന്നു.

ചീത്ത പറഞ്ഞു. കുട്ടി കരഞ്ഞുകൊണ്ട് പറഞ്ഞു: “സാർ, എന്റെ ബാഗിൽ ഒരു മാങ്ങ ആദ്യമേ ഉണ്ട്.