અદ્યતન રેલવેસ્ટેશનની કામગીરીના શ્રીગણેશ

આશરે ૮૭૮ કરોડના ખર્ચે સુરત રેલવેસ્ટેશન રિ-ડેવલપમેન્ટ પ્રોજેક્ટ શરૂ થયો છે ત્યારે મેળવીએ એની એક ઝલક.

- અરવિંદ ગોંડલિયા (સુરત)

અહીં રેલવેસ્ટેશન હશે, સાથે આપણે સામાન્ય બોલચાલની ભાષામાં જેને એસટી કહીએ છીએ એ ગુજરાત સ્ટેટ રોડ ટ્રાન્સ્પોર્ટ કૉર્પોરેશન (જીએસઆરટીસી)નું સ્ટેશન પણ હશે. અહીં જ મેટ્રો ટ્રેનની કનેક્ટિવિટી હશે અને હા, બીઆરટીએસ તરીકે ઓળખાતી બસસેવા (બસ રૅપિડ ટ્રાન્ઝિટ સિસ્ટમ) પણ ઉપલબ્ધ હશે અર્થાત્ આ હશે મલ્ટિ-મોડેલ ટ્રાન્સ્પોર્ટ હબ.

- અને દેશનું આવું પહેલું મલ્ટિ-મોડેલ ટ્રાન્સ્પોર્ટ હબ ધરાવતું શહેર હશે સુરત.

થોડા સપ્તાહ અગાઉ ચિત્રલેખાએ આવરણકથાના ભાગ રૂપે ૨૦૨૩માં દેશમાં આકાર લેનારા કેટલાક મહત્ત્વાકાંક્ષી અને પરિવહનની સિકલ બદલી નાખનારા ઈન્ફ્રાસ્ટ્રક્ચર પ્રોજેક્ટ્સની વાત માંડી હતી. રેલવે મંત્રાલયે દેશનાં ૨૪ સ્ટેશનોના પુનઃ વિકાસનો પ્રોજેક્ટ હાથ ધર્યો છે, જેમાં ગુજરાતનાં સુરત અને સોમનાથ જેવાં રેલવેસ્ટેશનોનાં કામ પ્રગતિમાં છે.

રેલવેસ્ટેશનથી જ મળશે મેટ્રો, બીઆરટીએસ અને એસટી બસનાં કનેક્શન.