નાસ્તિકની આસ્તિકતા વિશ્વાસ એ જ ભગવાન છે!

જીવનમાં જ્યારે આપણી આશાનો ભંગ થયો હોય ત્યારે એક નિરાશા અને નિરર્થકતા આપણને લપેટાઈ જાય છે. ધર્મ ત્યારે આપણને એક જમીન પૂરી પાડે છે અને એના પર આપણે લડખડાતી જિંદગીને સ્થિરતા બક્ષવા માટે પ્રયાસ કરીએ છીએ.

- રાજ ગોસ્વામી

હસતું જીવન...

એક નાના બાળકની માતાનું અચાનક અવસાન થયું. બાળક માટે એ એની મા, મિત્ર, શિક્ષક અને ઘણું બધું હતી. માની ગેરહાજરી બાળક માટે વજ્રાઘાત જેવી હતી. એ સૂનમૂન થઈ ગયો. પિતાએ વિચાર્યું કે થોડા દિવસમાં એ સામાન્ય થઈ જશે, પણ મહિના પછી પણ એ રોજ માને યાદ કરીને રડતો રહ્યો.

એક દિવસ પિતાએ એને કહ્યું કે તું માનો કબાટ ખોલીને એની ચીજવસ્તુઓ લઈ આવ. દીકરો કમરામાં ગયો અને કબાટ ફંફોસવા લાગ્યો. એમાં એને માની અમુક ચીજ સાથે એક પત્ર મળ્યો. માએ ભગવાનને પત્ર લખ્યો હતો. દીકરો એ પિતા પાસે લઈ આવ્યો. પિતાએ પત્ર મોટેથી વાંચ્યોઃ

હે ઈશ્વર,

મને ખબર છે કે મારો અંત નજીક આવ્યો છે. હું એના માટે તૈયાર છું. અગાઉના પત્રમાં તમે મને પૂછ્યું હતું કે મૃત્યુ પછી મારે ક્યાં રહેવું છે. બહુ વિચાર કર્યા પછી મને લાગે છે કે હું મારા દીકરાના હાસ્યમાં રહેવાનું પસંદ કરીશ. મને ખબર છે કે એ હસશે ત્યારે જ હું ત્યાં હોઈશ અને રડશે તો નહીં હોઉં, પણ ભગવાન તમે ચિંતા ના કરશો, એ કાયમ આનંદિત અને હસતો હોય છે એટલે મારું સ્થાન નિશ્ચિત જ છે.

- તમારી દીકરી

પિતાએ ચિંતાથી દીકરા તરફ જોયું. દીકરો સમજી ગયો. એણે પિતાના હાથમાંથી પત્ર લઈ લીધો અને હસતાં હસતાં કહ્યું: ‘પાપા, ચિંતા ન કરશો. હવેથી હું કાયમ હસતો રહીશ.’ પિતાના મોઢા પર હાસ્ય પથરાઈ ગયું. એમની યુક્તિ કામ કરી ગઈ હતી.

***

સ્વર્ગસ્થ અભિનેત્રી શ્રીદેવીની પુત્રી જાહ્નવી કપૂરે એકરાર કર્યો છે કે એની માતાના અકાળ અવસાન પછી એ ધાર્મિક થઈ ગઈ છે. એક ટીવીચૅનલ સાથે વાત કરતી વખતે ૨૭ વર્ષની આ અભિનેત્રીએ કહ્યું હતુંઃ