எடப்பாடி எடுக்கும்:பிரம்மாஸ்திரம்!

தமிழகத்தில் இன்று ஆட்சியிலி ருக்கும் கட்சி, எதிர்க்கட்சி, புதிய கட்சி என்று தமிழக அரசியல் களம், 2026 தேர்தலை எதிர்கொள்ளத் தங்களை தயார் செய்து வருகிறது.

- துரை.மகேஷ்

அதில் முதல்கட்டமாக ஒவ்வொரு பிரதான கட்சியும், தாங்கள் யாருடன் கூட்டணி வைக்கலாம், ஏற்கெனவே கூட்டணியில் உள்ள சிறு கட்சிகளில் எவற்றை கழற்றி விடலாம், நம்முடன் யார் கூட்டணி வைக்கத் தயாராக உள்ளனர் என்றெல்லாம் பல்வேறு கோணங்களில் அலசத் தொடங்கியுள்ளனர்.

ஆளுங்கட்சியான தி.மு.க. எப்பாடு பட்டாவது மீண்டும் ஆட்சியைத் தக்க வைத்துவிட வேண்டுமென்று களத்தில் இறங்கி யுள்ளது. அப்படி தக்கவைத்தால் ஸ்டாலின் ஆட்சியின் சாதனைப் பக்கங்களில் அதைக் குறித்துக்கொள்ளலாமென்ற எண்ணத்தில் இருக்கிறது. அதே சமயம், இராணுவக் கட்டுப்பாடுடைய கட்சியாக ஜெயலலிதா காலத்தில் சொல்லப்பட்ட அ.தி.மு.க. இன்றோ, யார் சிக்கினாலும் நமக்கு லாபமெனக் கருதி, சந்தைக்கடைக்கு வந்து, யாரை நாம் கூட்டணி வைத்து ஆட்சியைப் பிடிக்கலாமென்று ஆலோசித்து வருகிறது.

சமீபத்தில் நடைபெற்ற அ.தி.மு.க. பொதுக்குழுவில் எடப்பாடி பழனிசாமி, “நிச்சயம் எல்லோரும் எதிர்பார்க்கும் கூட்டணி அமையும். லோக்சபா தேர்தலைப்போல அல்லாமல், மக்கள் விரும்பும், தொண்டர்கள் விரும்பும் கூட்டணி அமையும், நிச்சயம் ஆட்சியை நாம் பிடிப்போம்” என்று உறுதியளித்துள்ளார்.