சூரிய உதயத்தின் போது உன் முகத்தை பார்க்க வேண்டும் என இளம்பெண்ணை தனது அறைக்கு வரவழைத்து பாலியல் தொல்லை

மேட்ரிமோனியலில் அறிமுகமான வாலிபர் கைது 10 கிராம் செயினை பறித்து மிரட்டியது அம்பலம்

மேட்ரிமோனியல் மூலம் அறிமுகமான இளம்பெண்ணை திருமணம் செய்வதாக ஆசை வார்த்தை கூறியதுடன், சூரிய உதயத்தின் போது உன் முகத்தை பார்க்க வேண்டும் என தனது அறைக்கு தனியாக அழைத்து பாலியல் தொந்தரவு செய்த வாலிபரை போலீசார் கைது செய்தனர்.

சென்னை மணலி, சின்ன மாத்தூர் பகுதியை சேர்ந்த 24 வயது இளம்பண் ஒருவர், தனது திருமணத்திற்காக வரன் தேடி, பிரபல மேட்ரிமோனியல் வலைதளத்தில் பதிவு செய்து இருந்தார். அதை பார்த்து, வேலூர் மாவட்டம் குடியாத்தம் நெல்லூர்பேட்டை கிழக்கு மாட வீதியை சேர்ந்த பூர்ணநாதன் (28) என்பவர், கடந்த 18ம் தேதி இந்த இளம்பெண்ணை செல்போனில் தொடர்பு கொண்டு, ‘‘நான் சோழிங்கநல்லூரில் உள்ள தனியார் நிறுவனம் ஒன்றில், அதிக சம்பளத்தில் பணியாற்றி வருகிறேன். உங்களை எனக்கு பிடித்து இருக்கிறது. உங்களுக்கும் விருப்பம் இருந்தால் நாம் திருமணம் செய்து கொள்ளலாம்,’’ என்று கூறியுள்ளார்.