தேன்கனிக்கோட்டை அருகே கிராம மக்களை 2 ஆண்டாக அச்சுறுத்திய சிறுத்தை கூண்டில் சிக்கியது

தேன்கனிக்கோட்டை அருகே, அடவிசாமிபுரம் கிராமத்தில், கடந்த 2 வருடமாக மக்களை அச்சுறுத்தி வந்த சிறுத்தை கூண்டில் சிக்கியது.

கிருஷ்ணகிரி மாவட்டம், தேன்கனிக்கோட்டை அருகே அடவிசாமிபுரம் மதனகிரி முனேஸ்வரன் கோயிலையொட்டி, சனத்குமார் ஆறு செல்கிறது. கடந்த வருடம் போதிய மழையில்லாததால், ஆறு வறண்டு புதர்மண்டி காணப்பட்டது. இந்நிலையில் ஆற்றின் கரை பகுதியில் உள்ள மலை குன்றில் சிறுத்தை ஒன்று கடந்த 2 ஆண்டாக பாறை இடுக்குகளில் மறைந்து கொண்டு மேய்ச்சலுக்கு சென்ற 15க்கும் மேற்பட்ட ஆடுகளைகடித்து கொன்றுள்ளது. இதனால் அடவிசாமிபுரம், தண்டரை, பஞ்சேஸ்வரம், இஸ்லாம்பூர், பெண்ணங்கூர், ஆளேநத்தம் உள்ளிட்ட கிராம மக்கள் அச்சத்துடன் இருந்தனர்.