தென்மேற்கு மற்றும் மேற்கு வங்க கடல் பகுதியில் குறைந்த காற்றழுத்த தாழ்வு பகுதி உருவானது - 24 ஆம் தேதி புயலாக மாற வாய்ப்பு

தென்மேற்கு வங்கக்கடலின் மேல் வளிமண்டல கீழடுக்கு சுழற்சி நிலவுகிறது.

இது இன்று மேலும் வலுவடைந்தது. இதன் காரணமாக தென்மேற்கு மற்றும் மேற்கு வங்கக்கடல் பகுதியில் இன்று காலை காற்றழுத்தத்தாழ்வு பகுதி உருவானது.

இந்த குறைந்த காற்றழுத்த தாழ்வுப்பகுதி வடகிழக்கு திசையில் நகர்ந்து செல்லும் என்று வானிலை இலாகா அறிவித்துள்ளது. நாளை மறுநாள் (24 ந் தேதி) காலையில் காற்றழுத்தத் தாழ்வு மண்டலமாக மாறும் என்று எதிர்ப்பார்க்கப் படுகிறது. இந்த புயல் சின்னம் இன்றும், நாளையும் மத்திய வங்கக்கடல் பகுதிகளில் மையம் கொண்டு வலுப்பெறும். அதன் பிறகு அது வடகிழக்கு திசையில் நகரக்கூடும்.

இந்தப் புயல் சின்னம் தமிழக கரையையொட்டி உருவாகி வடகிழக்கு திசையில் வங்கதேசம் நோக்கிச் செல்ல வாய்ப்பு இருப்பதாக கணிக்கப்பட்டுள்ளது.