முதலமைச்சரின் காலை உணவுத்திட்டம் துவக்கம்

ஊரக பகுதிகளில் அரசு உதவிபெறும் தொடக்கப் பள்ளிகளில் முதலமைச்சரின் காலை உணவுத் திட்டத்தை தமிழ்நாடு முதலமைச்சர் திருவள்ளூர் மாவட்டத்தில் தொடங்கி வைத்ததை தொடர்ந்து நீர்வளத்துறை அமைச்சர் துரைமுருகள், காட்பாடி கிறிஸ்டியான்பேட்டை அரசு உதவிபெறும் பள்ளியில் முதலமைச்சரின் காலை உணவுத்திட்டத்தை தொடங்கி வைத்து, அரசு பள்ளிகளில் பணியாற்றும் இடைநிலை ஆசிரியர் மற்றும் தலைமை ஆசிரியர் களுக்கு கைக்கணினிகள் மற்றும் அரசு மற்றும் அரசு உதவிபெறும் பள்ளிகளில் 14 வகையான விலையில்லா நலத்திட்ட பொருட்களை மாணவ, மாணவிகளுக்கு வழங்கினார்.

வேலூர் மாவட்டத்தில் 658 அரசு தொடக்க மற்றும் நடுநிலைப் பள்ளிகளில் 1ஆம் வகுப்பு முதல் 5ஆம் வகுப்பு பயிலும் 31,295 மாணவ, மாணவிகள் முதலமைச்சரின் காலை உணவுத்திட்டத்தில் பயனடைந்து வருகின்றனர்.

ஊரக பகுதிகளில் அரசு நிதியுதவி பெறும் தொடக்க மற்றும் நடுநிலைப் பள்ளிகளில் பயிலும் தொடக்க நிலை மாணவர்களுக்கு முதலமைச்சரின் காலை சிற்றுண்டி வழங்கம் திட்டத்தினை விரிவுபடுத்துதல் விதமாக தற்போது வேலூர் மாவட்டத்தில் செயல்பட்டு வரும் 68 ஊரக அரசு நிதியுதவி பெறும் பள்ளிகளில் 1ஆம் வகுப்பு முதல் 5ஆம் வகுப்பு வரை பயிலும் 1296 மாணவர்கள், 1244 மாணவி கள் மொத்தம் 2540 மாணவ, மாணவிகள் பயன்பெறுகின்றனர்.

முதலமைச்சரின் காலை சிற்றுண்டித் திட்டம் துவக்கி வைக்கப்படும் காட்பாடி ஒன்றியம், நிதியுதவி தொடக்கப்பள்ளி கிறிஸ்டியான்பேட்டை பள்ளியில் 1 ஆம் வகுப்பு முதல் 5ஆம் வகுப்பு பயிலும் 81 மாணவ, மாணவிகள் பயனடை வார்கள்.

நீர்வளத்துறை அமைச்சர் முதலமைச்சரின் காலை உணவுத்திட்டத்தை ஊரக பகுதிகளில் தொடங்கி வைத்து தமிழ்நாடு முதலமைச்சரால் மாணவர் நலனுக்காக அயராது பாடுபட்டு வரும் ஆசிரியர், சமூகத்தை சிறப்பிக்கும் விதமாகவும், ஆசிரியர்களின் நலனை காக்கவும், மாறிவரும் கற்றல் கற்பித்தல் முறைகளுக்கேற்ப தங்களைச் சிறப்பாக மெருகேற்றிக் கொள்வதற்காகவும் அரசுப் பள்ளிகளில் பணியாற்றும் ஆசிரியர்களுக்கு கைக் கணினி வழங்கப்படுமென அறிவித்தார்.