വിമാനത്താവളങ്ങളിൽ ഇനി ‘മുഖം കാണിച്ച് കടന്നുപോകാം

രാജ്യത്തെ മൂന്നു വിമാനത്താവളങ്ങളിൽ ഡിജി യാത്ര സംവിധാനത്തിന് തുടക്കം

ന്യൂഡൽഹി: വിമാനത്താവളങ്ങളിൽ ഇനി മുഖം കാണിച്ച് കടന്നുപോകാം. യാത്രക്കാരെ മുഖം കൊണ്ട് തിരിച്ചറിയുന്ന വിധം രാജ്യത്തെ മൂന്നു വിമാനത്താവളങ്ങളിൽ ഡിജി യാത്ര' സംവിധാനത്തിന് തുടക്കം. വൈകാതെ കൂടുതൽ വിമാനത്താവളങ്ങളിൽ ഈ സൗകര്യം ഏർപ്പെടുത്തും.

മുഖം തിരിച്ചറിയൽ സാങ്കേതികവിദ്യയിലൂടെ വിമാനത്താവളങ്ങളിൽ സുരക്ഷ പരിശോധനക്കുള്ള ക്രമീകരണമാണ് ഡിജി യാത്ര. യാത്രക്കാരനെ മുഖത്തിന്റെ പ്രത്യേകതകൾ കൊണ്ട് സംവിധാനം തിരിച്ചറിയും. ബോർഡിങ് പാസുമായി ഡിജിറ്റൽ സംവിധാനത്തിൽ ബന്ധിപ്പിക്കും. ഓരോ ചെക്ക് പോയന്റിലും ഈ തിരിച്ചറിയൽ സംവിധാനം പ്രയോജനപ്പെടുത്തും.