വെടിക്കെട്ടിൽ പൊട്ടിത്തെറി

പുതിയ കേന്ദ്ര മാർഗനിർദേശം തൃശൂർ പൂരം വെടിക്കെട്ട് മുടക്കും -മന്ത്രി രാജൻ പ്രതിഷേധമറിയിച്ച് പ്രധാനമന്ത്രിക്കും കേന്ദ്ര മന്ത്രിമാർക്കും കത്തയക്കും

പെട്രോളിയം ആൻഡ് എക്സ്പ്ലോസിവ്സ് സേഫ്റ്റി ഓർഗന സേഷനാണ് പെസോ) കടുത്ത നിയന്ത്രണങ്ങ ളോടെ പുതിയ മാർഗ നിർദേശമിറക്കിയത്

തൃശൂർ: തൃശൂർ പൂരം അടക്കമുള്ള ഉത്സവങ്ങളുടെ വെടിക്കെട്ട് സംബന്ധിച്ച് കേന്ദ്ര സർക്കാർ പുറ പ്പെടുവിച്ച നിർദേശം പരസ്യമായ വെല്ലുവിളിയാണെന്ന് മന്ത്രി കെ.രാജൻ. ഈ നിർദേശപ്രകാരം തൃശൂർ പൂരം വെടിക്കെട്ട് നടത്താൻ സാധിക്കില്ല. തൃശൂർ പൂരം ഉൾപ്പെടെയുള്ള പൂരങ്ങളെ തകർക്കാനുള്ള നീക്കമാണിത്. വിഷയത്തിൽ പ്രതിഷേധമറിയിച്ച് പ്രധാനമന്ത്രി, കേന്ദ്ര വാണിജ്യ-വ്യവസായ മന്ത്രി, കേരളത്തിൽ നിന്നുള്ള കേന്ദ്ര മന്ത്രിമാർ എന്നിവർക്ക് കത്തയക്കുമെന്നും മന്ത്രി രാജൻ വാർത്തസമ്മേളനത്തിൽ പറഞ്ഞു. ഗസറ്റ്വിജ്ഞാപനത്തിലൂടെ ഇറക്കിയ നിർദേശങ്ങളിലെ അഞ്ചെണ്ണം ഒരു കാരണവശാലും അംഗീകരിക്കാൻ കെ. രാജൻ സാധിക്കില്ല. കരിമരുന്ന് സാമഗ്രികൾ സൂക്ഷിക്കുന്ന കമ്പപ്പുര, വെടിക്കെട്ട് നടക്കുന്നയിടത്തു നിന്ന് 200 മീറ്റർ അകലെയായിരിക്കണമെന്ന നിർദേശം പിൻവലിക്കണം. നിലവിലെ അകലമായ 45 മീറ്റർ തുടരണം. കാണികൾക്ക് നിശ്ചയിച്ച അകലം 100 മീറ്ററിൽ നിന്ന് 50-70 മീറ്ററായി കുറക്കണം. സ്കൂളുകൾക്ക് 250 മീറ്റർ അകലെയേ വെടിക്കെട്ട് പാടുള്ളൂവെന്ന നിർദേശവും പിൻവലിക്കണം.