ஆண்கள் 3.12 கோடி; பெண்கள் 3.24 கோடி: தமிழகத்தில் 6.36 கோடி வாக்காளர்கள் உள்ளனர்!

இறுதிப்பட்டியல் இன்று வெளியீடு!!

இறுதி வாக்காளர் பட்டியல் இன்று வெளியிடப்பட்டது. இதில் தமிழகத்தில் மொத்தம் 6.36 கோடி வாக்காளர்கள் உள்ளனர். இவர்களில் 3.12 கோடி ஆண் வாக்காளர்களும், 3.24 கோடி பெண் வாக்காளர்களும் அடங்குவர்.

தமிழ்நாட்டில் வரைவு வாக்காளர் பட்டியல் கடந்த அக்டோபர் 29-ஆம் தேதி வெளியிடப்பட்டது. அதைத் தொடர்ந்து வாக்காளர் பட்டியலில் பெயர்சேர்த்தல், நீக்கம், இடமாற்றம், பெயர் திருத்தம் செய்ய அக்டோபர் 29-ஆம் தேதிமுதல் நவம்பர் 28-ஆம் தேதிவரை விண்ணப்பங்கள் பெறப்பட்டன.

இவற்றில் பெயர் சேர்த்தலுக்காக 14,02,132 விண்ணப்பங்கள் பெறப்பட்டு அவை ஏற்கப்பட்டு சேர்க்கப்பட்டது. பெயர்நீக்கலுக்காக 5,16,940 விண்ணப்பங்கள் பெறப்பட்டன. அவற்றில் 4,97,801 வாக்காளர்களின் பெயர்கள் இடமாற்றம், இறப்பு மற்றும் இரட்டைப் பதிவு ஆகிய காரணங்களுக்காக நீக்கப்பட்டுள்ளன. இவை தவிர 2,15,744 வாக்காளர்களின் பதிவுகளில் திருத்தங்கள் மேற்கொள்ளப்பட்டன.