યુક્રેન-રશિયા યુદ્ધ હવે વધુ આક્રમક બનશે: ફાઈટર પ્લેન મોકલવા અમેરિકાની વિચારણા

વ્હાઈટ હાઉસના ઉચ્ચસ્તરીય સૂત્રોએ ચોંકાવનારી માહિતી આપી

કીવ, શનિવાર

પાંચ મહિના કરતાં વધુ સમયથી ચાલી રહેલા યુક્રેન અને રશિયા વચ્ચેના યુદ્ધમાં અમેરિકા અને નાટો રાષ્ટ્રો યુક્રેનની પરોક્ષ મદદ કરી રહ્યા છે એ વાત હવે જગજાહેર છે. દરમિયાન વ્હાઈટ હાઉસના ઉચ્ચસ્તરીય સૂત્રો તરફથી એવા અહેવાલો મળ્યા છે કે અમેરિકા હવે ફાઈટર પ્લેન યુક્રેનને મોકલવા માટે સક્રિયપણે વિચારી રહ્યું છે. અમેરિકા જો ફાઈટર પ્લેન યુક્રેનને મોકલવા માટે મંજૂરી આપશે તો રશિયા વધુ ખફા થશે અને આ સંજોગોમાં યુક્રેન અને રશિયા વચ્ચેનું યુદ્ધ વધુ આક્રમક બનશે તે નક્કી છે.