ચેકિંગ પર સવાલ: રાજસ્થાનથી આવેલો દારૂનો જથ્થો છેક બાકરોલ ચોકડી પાસેથી પકડાયો

અસલાલી પોલીસે રૂપિયા ૨૯.૭૭ લાખની કિંમતનો દારૂનો જથ્થો ઝડપી પાડ્યોઃ ટ્રકનું પાઇલટિંગ કરનાર કારચાલકની પણ ધરપકડ કરવામાં આવી

અમદાવાદ, સોમવાર

અમદાવાદના અસલાલી વિસ્તારમાં વધુ એક વખત મોટી માત્રામાં દારૂનો જથ્થો પકડાતાં અનેક પોલીસ કર્મચારીઓની ખોરી નિયતની પોલ ખૂલી ગઇ છે. દારૂનો જથ્થો રાજસ્થાનથી વડોદરા જઇ રહ્યો હતો ત્યારે અસલાલી પોલીસે બાતમીના આધારે તેને ઝડપી પાડ્યો છે. ચોંકાવનારી વાત એ છે કે મોટી માત્રામાં દારૂનો જથ્થો રાજસ્થાનથી વડોદરા જાય છે ત્યારે પોલીસ કર્મચારીઓ રોડ પર બંદોબસ્ત દરમિયાન તેને પકડી કેમ નથી શકતા. દારૂ બોર્ડર વટાવીને આવે છે ત્યારે કેટલાક બે ત્રણ એસપી તેમજ બે ડઝન કરતાં વધુ પોલીસ સ્ટેશનની હદ આવે છે.