પ્રીકોશનરી ડોઝ લેવા માટે પણ લોકો ઉદાસીન: મ્યુનિસિપલ તંત્ર મૂંઝવણમાં

૧૮થી ૫૯ વયજૂથના માત્ર ૪,૫૧૭ લોકોએ ગઈ કાલે પ્રીકોશનરી ડોઝ લીધો

અમદાવાદ, બુધવાર

કોરોના સામેની લડતમાં વેક્સિનેશન એકમાત્ર અટકાવવા માટે અસરકારક ઉપાય છે. તબીબી આલમ પણ કોરોનાના ચેપને ફેલાતો વેક્સિનેશનને મહત્ત્વપૂર્ણ માને છે. જોકે કોરોનાથી વેક્સિનના ફર્સ્ટ ડોઝ બાદ આજે પણ લગભગ છ લાખ લોકોએ તેમની વેક્સિનનો સેકન્ડ ડોઝ લીધો નથી. આ તો ઠીક, પણ હવે ૧૮થી ૫૯ વયજૂથના લોકોને મ્યુનિ. તંત્ર દ્વારા મફતમાં પ્રીકોશનરી ડોઝ અપાઈ રહ્યો હોવા છતાં પણ તે લેવા માટે લોકો ઉત્સાહ દાખવતા નથી. થર્ડ ડોઝ એટલે કે પ્રીકોશનરી ડોઝના વેક્સિનેશનમાં લોકોની ઉદાસીનતાથી હેલ્થ વિભાગ પણ મૂંઝવણમાં મુકાયો છે.