બે દિવસ સુધી વાવાઝોડા સાથે ધોધમાર વરસાદની શક્યતા

વેસ્ટર્ન ડિસ્ટર્બન્સના કારણે કમોસમી વરસાદ: વાતાવરણમાં ઠંડક પ્રસરી, ધરતીપુત્રો ચિંતાતુર, હવામાં ભેજનું પ્રમાણ ૪૦ ટકા થઈ ગયું

અમદાવાદ, ગુરુવાર

આ વર્ષે અમદાવાદ સહિત રાજ્યભરમાં ઉનાળાનો મિજાજ અલગ જ પ્રકારનો જોવા મળી રહ્યો છે. એક તરફ ગરમી સતત વધી રહી છે, જ્યારે બીજી તરફ ભરઉનાળે કેટલાક વિસ્તારમાં ચોમાસા જેવો માહોલ જોવા મળી રહ્યો છે. કાળઝાળ ગરમી વચ્ચે ગઈ કાલથી શરૂ થયેલાં વરસાદી ઝાપટાંથી લોકોને રાહત મળી છે અને તાપમાન પણ થોડું ઘટી રહ્યું છે, જોકે આ જ કમોસમી વરસાદ ખેડૂતોની ચિંતા વધારી રહ્યો છે.