પહાડોમાં હિમવર્ષા, રાજસ્થાનમાં વરસાદઃ ૧૬ રાજ્યમાં ગાઢ ધુમ્મસ, યુપીમાં કોલ્ડ ડે

યુપી-બિહારમાં ફ્લાઇટ્સ-ટ્રેનો મોડીઃ રાજસ્થાનના ૧ર જિલ્લાની સ્કૂલોમાં રજા, ઉત્તર પ્રદેશમાં ઠંડીએ છેલ્લા ર૪ કલાકમાં ૧૫ લોકોનો ભોગ લીધો

હવામાન વિભાગના જણાવ્યા અનુસાર પંજાબ, જમ્મુ, ઉત્તરપ્રદેશ અને બિહારના કેટલાક જિલ્લામાં વિઝિબિલિટી ઘટીને ઝીરો થઈ ગઈ છે, જેના કારણે ઘણી ફલાઈટ્સ મોડી પડી રહી છે. ટ્રેનો પણ સમયસર સ્ટેશનો પર પહોંચી શકતી નથી. એરલાઈન્સ કંપનીના જણાવ્યા અનુસાર આજે પણ દિલ્હી, શ્રીનગર, વારાણસી, અમૃતસર અને જમ્મુ એરપોર્ટ સહિતની ફ્લાઈટ્સ મોડી પડી શકે છે. ઉત્તરપ્રદેશમાં ઠંડીના કારણે છેલ્લા ૪૮ કલાકમાં ૨૫ લોકોનાં મોત થયાં છે. છેલ્લા ૨૪ ક્લાકમાં ૧૦નાં મોત થયાં છે. કટિહાર અને પૂર્ણિયા સહિત બિહારના ૨૦ જિલ્લામાં કોલ્ડવેવનું એલર્ટ જાહેર કરવામાં આવ્યું છે.

જમ્મુ-કાશ્મીરના ગુલમર્ગ સોનમર્ગમાં લગભગ બે ફૂટ હિમવર્ષા થઈ છે. મુગલ રોડ, શ્રીનગર-લેહ રોડ, સેમથાનકિશ્તવાર રોડ અને ગુરેઝ હાઇવે બંધ કરી દેવામાં આવ્યો છે. હિમાચલ પ્રદેશમાં હિમવર્ષાની સાથે-સાથે અનેક જિલ્લામાં વરસાદનું એલર્ટ પણ જાહેર કરવામાં આવ્યું છે.