ભજિયાંના ભાવ ભડકે બળ્યા: સ્વાદરસિયાની મોજ બગડી

ભજિયાં વગર અમને ચોમાસું સૂનું રે લાગેઃ ભજિયાંના ભાવમાં રૂ. ૫૦થી ૧૦૦નો વધારો

અમદાવાદ, મંગળવાર

ચોમાસાની સિઝનમાં ભજિયાં અને દાળવડાંની ડિમાન્ડ દસ ગણી વધી જાય છે. વરસાદ પડે કે તરત જ સ્વાદરસિયા હાઇવે પર કે અન્ય દુકાન, લારી, ગલ્લા પર ગરમ ગરમ ભજિયાંની મોજ માણવા નીકળી પડે છે તો કેટલાક વરસાદી સિઝનમાં ઘેર જ ભજિયાં ખાવાનું પસંદ કરે છે પરંતુ આ વર્ષે ભજિયાંના ભાવ સ્વાદરસિયાના મોં બગાડી રહ્યા છે કારણ કે આ વર્ષે ભજિયાંના ભાવમાં રૂ. ૫૦થી ૧૦૦નો વધારો થયો છે. જેનાં કારણે સ્વાદ રસિયાએ ખિસ્સાંનો ભાર પરાણે વધારવો પડે તેવી પરિસ્થિતિ થઈ છે.