દ્વારકા, સોમનાથ, અંબાજી, પાવાગઢ ઉપરાંત અયોધ્યા-મથુરા-વૃંદાવનનાં બુકિંગ ‘હાઉસફુલ’

વેલકમ ૨૦૨૫: નવા વર્ષની શરૂઆત ઈશ્વરતા દ્વારેથી કરવા માટે લોકો આતુર યંગસ્ટર્સ – ટ્રેન્ડ બદલાયો સહિતના લોકો ધાર્મિક વૃત્તિ તરફ વળ્યા

નવા વર્ષને આવકારવા અને વર્ષ ૨૦૨૪ના અંતિમ દિવસને વિદાય આપવા માટે ગુજરાતીઓ થનગની રહ્યા છે. ક્રિસમસની ઉજવણી માટે અમદાવાદી અને ગુજરાતીઓએ આગોતરાં આયોજન કરી લીધાં છે. મોટા ભાગે આસપાસના કે બહારગામના રિસોર્ટ અને હોટલો હાઉસફૂલ જોવા મળી રહ્યાં છે, ત્યારે નવા વર્ષની ઉજવણી નિમિત્તે બહાર નીકળનારા ગુજરાતીઓમાં આ વર્ષે એક નવો ટ્રેન્ડ જોવા મળી રહ્યો છે. આ વખતે લોકો નવા વર્ષને વધાવવા માટે ધાર્મિક સ્થળોની મુલાકાત લેવાનું વધુ પસંદ કરી રહ્યા છે. યંગસ્ટર્સ સહિતના લોકો ધાર્મિક વૃત્તિ તરફ વળ્યાં છે.