தரவரிசையில் முதலாமிடத்துக்கு முன்னேறிய ப்றூக்

டெஸ்ட் போட்டிகளுக்கான துடுப்பாட்டவீரர்களின்

ச ர்வதேச கிரிக்கெட் சபையின் டெஸ்ட் போட்டிகளுக்கான துடுப்பாட்ட வீரர்களின் தரவரிசையில் முதலாமிடத்துக்கு இங்கிலாந்தின் ஹரி ப்றூக் முன்னேறியுள்ளார்.

நியூசிலாந்துக்கெதிரான இரண்டாவது டெஸ்டில் 178 ஓட்டங்களைப் பெற்றமையைத் தொடர்ந்தே இரண்டாமிடத்திலிருந்து ஓரிடம் முன்னேறி முதலாமிடத்தை ப்றூக் அடைந்துள்ளார்.

இதேவேளை, இந்தியாவுக்கெதிரான இரண்டாவது டெஸ்டில் 140 ஓட்டங்களைப் பெற்ற அவுஸ்திரேலியாவின் ட்ரெவிஸ் ஹெட், 11ஆம் இடத்திலிருந்து ஆறு இடங்கள் முன்னேறி ஐந்தாமிடத்தையடைத்துள்ளார்.

இந்நிலையில் தென்னாபிரிக்காவுக்கெதிரான இரண்டாவது டெஸ்டில் 83 ஓட்டங்களைப் பெற்ற இலங்கையின் கமிந்து மென்டிஸ், ஏழாமிடத்திலிருந்து ஓரிடம் முன்னேறி ஆறாமிடத்தையடைந்துள்ளார்.

இதேவேனை, மேற்படி இலங்கைக்கெதிரா டெஸ்டில் 154 ஓட்டங்களைப் பெற்ற தென்னாபிரிக்காவின் அணித்தலைவர் தெம்பா பவுமா, 10ஆம் இடத்திலிருந்து மூன்று இடங்கள் முன்னேறி ஏழாமிடத்தையடைந்துள்ளார்.

முதல் 10 துடுப்பாட்டவீரர்களின் தரவரிசை பின்வருமாறு.

1.ஹரி ப்றூக், 2.ஜோறூட் 3.கேன் வில்லியம்சன், 4.யஷஸ்வி ஜைஸ்வால், 5.ட்ரெவிஸ் ஹெட், 6.கமிந்து மென்டிஸ் 7.தெம்பா பவுமா, 8.டரைல் மிற்செல், 9.றிஷப் பண்ட், சௌட் ஷ்கில்.