தமிழ்த் தேசியத்திற்கு எதிரான இனப் படுகொலையை ‘பட்டலந்த’வில் மூடிவிட வேண்டாம்

தமிழ்த் தேசியத்திற்கு எதிரான இனப் படுகொலையை ‘பட்டலந்த' என்ற சொல்லில் மறைத்து விட வேண்டாம்.

- 

தமிழர் மீது நடத்தப்பட்டது இனப் படுகொலையல்ல என வாதிடும் நீங்கள் பட்டலந்த படுகொலை தொடர்பில் பேசுவதற்குத் தயாராகின்றீர்கள் என தமிழரசுக் கட்சியின் யாழ். மாவட்ட எம்.பி. சிவஞானம் சிறீதரன் தெரிவித்தார்.

அநியாயமாக யார் கொல்லப்பட்டார்களோ, நீதியின் கண்களுக்கு முன்னால் யார் சித்திரவதை செய்யப்பட்டார்களோ அவர்களுக்கு நீதி வேண்டும் என்பதனை வலி உணர்ந்த மக்களாக வரவேற்கின்றோம்.

அதேநேரம், தமிழ் மக்கள் மீது 1956 முதல் 2009 இறுதி யுத்தம் வரை நடந்த இனப்படுகொலைகள் தொடர்பில் நீங்கள் விவாதம் நடத்த வேண்டும். விசாரணை செய்ய வேண்டும் நீதி வழங்க வேண்டும்.

பாராளுமன்றத்தில் புதன்கிழமை (19) இடம்பெற்ற 2025ஆம் ஆண்டுக்கான வரவு- செலவுத் திட்டத்தின் வர்த்தக, வாணிப்ப, உணவுப் பாதுகாப்பு மற்றும் கூட்டுறவு அபிவிருத்தி அமைச்சு ஆகியவற்றின் மீதான குழுநிலை விவாதத்தில் உரையாற்றுகையிலேயே இவ்வாறு வலியுறுத்தினார்.