இந்தியாவிலிருந்து மலேசியாவுக்கு 1 மில்லியன் சுற்றுப்பயணிகள் வருகை

இந்த ஆண்டில் ஒரு மில்லியன் இந்தியப் பயணிகளின் வருகையை எட்ட மலேசிய அரசாங்கம் வகுத்திருந்த இலக்கு முன்கூட்டியே எட்டப்பட்டுவிட்டது.

இதனை மலேசியாவின் சுற்றுலா, கலை மற்றும் கலாசார அமைச்சர் தியோங் கிங் சிங் தெரிவித்து உள்ளார்.

இவ்வாண்டு ஜனவரி தொடங்கி நவம்பர் வரை இந்தியாவில் இருந்து 1,009,114 பேர் மலேசியா வந்ததாக அவர் ஞாயிற்றுக்கிழமை (டிசம்பர் 15) இரவு வெளியிட்ட அறிக்கையில் குறிப்பிட்டு உள்ளார்.

கொவிட்-19 பெருந்தொற்றுக்கு முன்னர் 2019ஆம் ஆண்டு இதே காலகட்டத்துடன் ஒப்பிடுகையில் இந்தியப் பயணிகளின் வருகை 47 விழுக்காடு அதிகம் என்றார் அவர்.