டெல்லியில் காற்றுத்தரம் மோசமான நிலையை எட்டியது

இந்தியத் தலைநகர் புதுடெல்லியிலும் அதன் புறநகர்ப் பகுதிகளிலும் காற்றின் தரநிலை கடந்த 24 மணி நேரத்தில் இரண்டு முறை மோசமான நிலையை எட்டியுள்ளது.

இதனால், மக்களின் இயல்பு வாழ்க்கை பெரிதும் பாதிக்கப்பட்டுள்ளது. அதையடுத்து, புதுடெல்லி அரசு, காற்று மாசுபாட்டைக் குறைக்க கடுமையான நடவடிக்கைகளை எடுத்துள்ளது.

டிசம்பர் 17ஆம் தேதிக்கான காற்றுத்தரக் குறியீடு 400ஐ தாண்டிவிடும் என்று டிசம்பர் 16ஆம் தேதி பின்னிரவில் முன்னுரைக்கப்பட்டது. இப்போது அங்கு காற்றுத்தரக் குறியீடு 424ஐ எட்டியுள்ளது. இது மிகவும் மோசமான காற்றுமாசுபாடு. இதனையடுத்து, இதனைக் கட்டுப்படுத்த என்ன செய்வது என்பது குறித்து ஆராய அரசாங்க அதிகாரிகள் குழு ஒன்று அவசரக் கூட்டம் ஒன்றை நடத்தியது.