దీపావళి బహుమతిగా బడ్జెట్ ఫ్రెండ్లీ మొక్కలు

దీపావళి పండుగ సందర్భంలో బహుమతులను ఇచ్చిపుచ్చుకోవడం ఆనవాయితీ.

- సునీల్ శర్మ

దీపావళి పండుగ సందర్భంలో బహుమతులను ఇచ్చిపుచ్చుకోవడం ఆనవాయితీ. కొన్నిసార్లు చాకొలెట్లు, మరికొన్నిసార్లు గాడ్జెట్లు, ఇంకొన్నిసార్లు గృహోపకరణాలు బహుమతులుగా ఇస్తుంటారు.కానీ ఇప్పుడు కాలం మారింది. దాంతోపాటు మనమూ మారడం తప్పనిసరి. బహుమతి అర్థం ఎదుటివారి ముఖాల్లో చిరునవ్వు చూడటం. ఆ బహుమతి వారికి ఉపయోగపడుతుంది కూడా ఇలాంటి సందర్భంలో పండుగను 'గ్రీన్ ఫెస్టివల్' చేసే బహుమతును ఇస్తే మనం పర్యావరణానికీ మేలు చేసిన వారు అవుతాం.

ప్రస్తుత పరిస్థితులను గమనిస్తే బహుమతులకు ప్రత్యామ్నాయంగా మొక్కలను ఇవ్వాల్సిన అవసరం ఎంతైనా ఉంది. 'స్టేట్ ఆఫ్ ఇండియాస్ ఎన్విరాన్మెంట్' విడుదల చేసిన ఒక నివేదిక ప్రకారం భారతదేశంలో ప్రతి సంవత్సరం 12.5 శాతం మంది ప్రజలు మృత్యువుకి దారి తీసే గాలి అంటే వాయు కాలుష్యం కారణంగా మరణిస్తున్నారు. సగటున 8.5 శాతం మంది 5 సంవత్సరాల కంటే తక్కువ ఉన్న పిల్లలు వాయు కాలుష్యంతో చనిపోతున్నారు.

ప్రతి సంవత్సరం పండుగల సీజన్లో ప్రత్యేకించి దీపావళి తర్వాత ఎంత వాతావరణ కాలుష్యం ఏర్పడుతుందో, దేశవ్యాప్తంగా నల్లని పొగ నీడలు వారాల తరబడి ఎలా కమ్మేస్తాయో మనందరికీ తెలిసిన విషయమే. ఇలాంటి పరిస్థితిలో మనమందరం మన వంతుగా పర్యావరణానికి మేలు చేసే పని చేయడం చాలా అవసరం.