கர்நாடக தேர்தல் முடிவு: பாராளுமன்றத் தேர்தலில் எதிரொலிக்குமா?

கசட்டசபை தேர்தலில் காங்கிரஸ் மகத்தான வெற்றி பெற்று விட்டது. இது 2024 பாராளுமன்றத் தேர்தலிலும் எதிரொலிக்கும் என காங்கிரசின் குரல் வேகமாக ஒலிக்கத் தொடங்கியுள்ளது

- காதவம்புல்லுநர்‌

அதே நேரம் பாராளுமன்றத் தேர்தலில் நாங்கள் தான் பலசாலி, கர்நாடக தோல்வியை வைத்து ஒப்பிட வேண்டாம் என்பது பா.ஜ.க.வின் பதிலாக இருக்கிறது.

இது ஓரளவுக்கு உண்மையும் கூட. பாராளுமன்ற தேர்தலிலும், சட்டமன்ற தேர்தலிலும் ஒரே கட்சி தான் வெற்றி பெறும் என்பதற்கு எந்த உத்தரவாதமும் கிடையாது. தமிழ்நாட்டில் 1980ஆம் ஆண்டு நடைபெற்ற நிகழ்வை பார்ப்போம்.

அப்போது காங்கிரசும், திமுகவும் கூட்டாக சேர்ந்து மக்களவை தேர்தலை சந்தித்தன. இந்த கூட்டணி மகத்தான வெற்றி பெற்றது. இரட்டை இலையை சின்னமாக கொண்ட அதிமுக ரெண்டு தொகுதிகளில் மட்டுமே வெற்றி பெற்றது. இதை அடுத்து அப்போதைய பிரதமர் இந்திராகாந்தி எம்.ஜி.ஆர் அரசை கலைத்தார். தமிழ்நாட்டில் சில மாதங்கள் ஜனாதிபதி ஆட்சி நடைபெற்றது. இந்நிலையில், தமிழக சட்டசபைக்கு தேர்தல் நடத்தப்பட்டது. எம்.ஜி.ஆர். மக்களிடம் நியாயம் கேட்டார். நான் என்ன தவறு செய்தேன் என கூட்டந்தோறும் அவர் எழுப்பிய கேள்வி தமிழகத்தை உலுக்கியது. சட்டமன்ற தேர்தலில் அதிமுக மகத்தான வெற்றி பெற்றது. எம்.ஜி.ஆர். மீண்டும் முதலமைச்சர் ஆனார்.