பற்கள் வளர...மருந்து?

பல் வளர்ச்சி என்பது குறிப்பிட்ட வயது வரைதான்.

- தவா

அதன்பின் பற்களை இழந்தால் செயற்கை பற்கள் தவிர வேறு வழியில்லை என்பது நிதர்சனம்.

இந்நிலையில் இழந்த பற்களை மீளுருவாக்கம் செய்யும் மருந்து ஒன்றை ஜப்பான் நாட்டு விஞ்ஞானிகள் கண்டுபிடித்துள்ளனர். இந்த மருந்தை பயன்படுத்தி வயது வந்த பெரியவர்களின் பற்களையும் வளர வைக்க முடியும் என்று கூறப்படுகிறது. மனிதர்களுக்கு இந்த மருந்தை செலுத்தி பரிசோதனை செய்ய அடுத்தகட்ட முயற்சிகள் மேற்கொள்ளப்பட்டு வருகின்றன.

மனிதர்களுக்கு ஒரு குறிப்பிட்ட வயதிற்கு பிறகு பல் வளர்ச்சியைத் தடுப்பதில் USAG-1 எனப்படும் புரதம் முக்கியப் பங்கு வகிக்கிறது. தற்போது ஜப்பானிய விஞ்ஞானிகள் கண்டுபிடித்துள்ள இந்த மருந்து, USAG-1 புரதத்தை கட்டுப்படுத்தி மீண்டும் பற்களின் வளர்ச்சியைத் தூண்டுகிறது.