ராஜா வேடம்...விரட்டிய நாய்!

சிவாஜி உசரத்துக்கு அந்த மைக் சரியாக இருந்தாலும் கூட, நம்ம தம்பி பாஸ்கருக்கு மைக்க அட்ஜஸ் பண்ணியே தீரணுங்கிற ஒரு பெரிய ஆர்வம் ஏற்பட்டுடுச்சு.

- ராசாக்கள் வலம் வருவார்கள்

சிவாஜி இருக்கிற இடத்துக்குப் போய்ச் சேருகிற வரைக்கும் பாஸ்கருக்கு பல மைல் தூரம் நடக்கிற மாதிரி வேர்த்து வேர்த்து ஊத்திக்கிட்டு இருந்திச்சு!

தம்பி பாஸ்கர் வந்து மைக் அட்ஜஸ் பண்ணப் போறத தெரிஞ்சிக்கிட்ட சிவாஜி, "வேண்டாம் தம்பி! சரியா இருக்கு”ன்னு சொல்லி பாஸ்கரோட கையப்புடிச்சிட்டாரு. அப்போதிருந்து உடம்பில் 108 டிகிரியில் ஜூரம் அடிச்சுது. அதுக்கப்புறம் ஒரு வாரம் பாஸ்கருக்கு ரெஸ்ட். அன்னிக்கு சிவாஜிக்குப் போட்ட மால எல்லாத்தையும் தம்பி அமரு எடுத்துக்கிட்டு ஊரச் சுத்திக்கிட்டு பின்னால வீட்டுக்கு வந்து சேர்ந்தான்.

அந்தக் கிராமத்துக்குப் பக்கத்தில 'கோம்பை'ன்னு ஒரு ஊரு இருக்கு. கிராமத்திலேருந்து படிக்கப் போறவங்க எல்லாமே ஆறாம் கிளாசுக்கு மேல படிக்கணும்னா அங்க இருக்கிற ஹைஸ்கூல்ல தான் படிக்கணும்.

காலையில 8.30 மணிக்கும், சாயங்காலம் 5.00 மணிக்கும் பாத்தா பண்ணைப்புரத்தில் இருந்து கோம்பைக்குப் போற ரோட்டில வெத வெதமா பல பொண்ணுங்களும் ஆம்பளப் பசங்களும் போயிக்கிட்டே இருப்பாங்க. அந்த இன்ஸ்பெக்டர் தம்பி மெட்ராசுக்கு போனதிலேருந்து நம்ப தம்பிகளுக்கு ஊரில பொழுதே போகல.

பாஸ்கரும் ராசாவும் சாயங்கால நேரத்தில் ஊருக்கு முன்னால் இருக்கிற பாலத்துல போயி உக்காருற வழக்கமிருந்திச்சு! அதுக்கு முன்னால அந்த இன்ஸ்பெக்டரும் இவங்களோட சேர்ந்துக்கிடறதுண்டு.

அந்த ஹைஸ்கூலில் படிக்கிற ஒரு பொண்ணுக்கும் ராசாவுக்கும் ஒரு இது! இதுன்னா தப்பா ஒண்ணும் இல்ல. அந்தப் பொண்ணு ஹைஸ்கூலு போகும் போதும் வரும் போதும் ரெண்டு பேரும் சும்மா பார்த்துக்குவாங்க. நாளுக்கு நாள் இவங்களோட பார்வ காதலா மாறிடுச்சு!

இந்த விஷயம் பாஸ்கருக்கும் இன்ஸ்பெக்டருக்கும் அப்பவே தெரியும். ஆனா, ராசாவும் அந்தப் பொண்ணும் நேருக்கு நேராக பார்த்து பேசிக்கிட்டதே கெடையாது. ராசாத் தம்பிக்கு அப்பவே பொண்ணுங்கன்னா ஒரு பயம் இருந்திச்சு. அந்த ஹைஸ்கூலில நடக்கிற விழா எதுவானாலும் -ஏன் அங்க நிகழ்ச்சி என்ன நடந்தாலும் நம்ம தம்பிகளோட ஆர்மோனியம், தபேலா சத்தம் தான் கேட்கும். கூடவே அமரோட பாட்டும் இருக்கும்!