ആത്മവിശുദ്ധിയുടെ പെരുന്നാൾ

വ്രതശുദ്ധിയുടെ രാപ്പകലുകൾക്ക് വിട നൽകാൻ ശവ്വാൽ അമ്പിളിക്കല മാനത്ത് തെളിയുമ്പോൾ ഓരോ വിശ്വാസികളുടെയും മനസ്സിൽ ആത്മ വിശുദ്ധിയുടെ ആഹ്ലാദപ്പെരുന്നാളിന് തുടക്കമാകുകയായി...

- നാസർ മുഹമ്മദ്

ഒരു മാസക്കാലം തന്റെ നാഥന്റെ വിധിവിലക്കുകൾ അനുസരിച്ച് ഓരോ വിശ്വാസിയും പകൽ അന്നപാനീയങ്ങൾ വെടിഞ്ഞും രാവേറെയുള്ള പ്രാർത്ഥനകളിൽ മുഴുകിയും സ്ഫുടം ചെയ്തെടുത്ത ഹൃദയങ്ങളിലേക്ക് പള്ളി മിനാരങ്ങളിൽ നിന്നും ഒഴുകിയെത്തുന്ന തക്ബീർ ധ്വനികളുടെ സുഗന്ധം പെയ്തിറങ്ങുന്ന ആഘോഷ നിമിഷത്തിൽ വായനക്കാരോടൊപ്പം “മഹിളാരത്നവും പങ്കുചേരുകയാണ്.

മൈലാഞ്ചി ചോപ്പണിഞ്ഞ് പെരുന്നാളിനെ വരവേൽക്കാൻ ഒരുങ്ങുന്ന നഗരത്തിന്റെ തിരക്കിനിട യിലൂടെ “മഹിളാരത്നത്തിന്റെ പെരുന്നാൾ ഷൂട്ടിനായി കോഴിക്കോട് കുറ്റിച്ചിറയിലെത്തിയ സുന്ദരികളെ പരിചയപ്പെടാം.

ഫിറ്റ്നസ് കോച്ചും ന്യൂട്രീഷ്യനിസ്റ്റും ക്ലാസിക്കൽ ഡാൻസറും കളരിയിൽ നാഷണൽ മെഡലിസ്റ്റും ബോക്സിംഗിൽ സ്റ്റേറ്റ് മെഡലിസ്റ്റും സാഹിറ എന്ന ഷോർട്ട് മൂവിയിലെ അഭിനയത്തിന് മികച്ച നടിക്കുള്ള പുരസ്കാരവും ലഭിച്ച മോഡലും അഭിനേത്രിയും കോഴിക്കോട് സ്വദേശിയുമായ അഭിമുരളിയും 2023 ലെ മിസ് സൗത്ത് ഇന്ത്യ സെക്കന്റ് റണ്ണറപ്പും മിസ് സ്ക്കൂൾ കേരള ഫസ്റ്റ് റണ്ണറപ്പും 2022 ലെ മിസ് മലബാറുമായ തമിഴ് മലയാളം ചലച്ചിത്രതാരവും കോഴിക്കോട്ടു കാരിയുമായ റോസ്മിൻ ടിയും പ്രശസ്ത മോഡലുകളായ വർഷ ദിനചന്ദ്രനും സ്നേഹാരമേഷും ശ്വേതാരമേഷും ചേർന്നപ്പോൾ അവിടെ ഒരു ആഘോഷത്തിന് തിരിതെളിഞ്ഞു. ഈ പെരുന്നാളിന് വിപണിയിൽ തരംഗമാകാൻ ഒരു ങ്ങുന്ന റുക്സാറിലെ വസ്ത്രങ്ങൾ അണിഞ്ഞെത്തിയ അഞ്ചുപേരെയും കണ്ടപ്പോൾ അറേബ്യൻ കഥകളിലെ സുന്ദരികളായ മാറിയപോലെ തോന്നി. അവർ കണ്ടും കേട്ടും അനുഭവിച്ചുമറിഞ്ഞ പെരുന്നാൾ വിശേഷങ്ങൾ പരസ്പരം പങ്കുവയ്ക്കാൻ തുടങ്ങി.

കൂട്ടുകാരോടൊത്തുള്ള പെരുന്നാൾ