എളുപ്പം നേടാം ഇനി ജർമൻ ജോലി

അക്കരയ്ക്കു പോകും മുൻപ്

- വിദേശ കുടിയേറ്റം സംബന്ധിച്ച വായനക്കാരുടെ തിരഞ്ഞെടുത്ത സംശയങ്ങൾക്കു മറുപടി നൽകുന്നു അജിത് കോളശ്ശേരി സിഇഒ (ഇൻ ചാർജ്), നോർക്ക റൂട്ട്സ്

ജർമനിയിൽ തൊഴിൽ നിയമങ്ങൾ ലളിതമാക്കി എന്നു വാർത്തകൾ കാണുന്നുണ്ട്. ഓപ്പർട്യൂണിറ്റി (opportunity) കാർഡ് വഴി തൊഴിൽ നേടുന്നതെങ്ങനെയാണ്? എന്തെല്ലാമാണ് യോഗ്യതകൾ? അഭിജിത്ത് കെ.എസ്, കണ്ടശ്ശാംകടവ്, തൃശൂർ

ഇന്ത്യൻ പൗരന്മാർക്കു വിദേശത്തു ജോലി ചെയ്യാനുള്ള മികച്ച സ്ഥലങ്ങളിൽ ഒന്നാണു ജർമനി ആകർഷകമായ വേതനവ്യവസ്ഥയും തൊഴിൽസാഹചര്യങ്ങളുമുള്ള ജർമൻ തൊഴിൽ വിപണി ലോകമെമ്പാടും വളരെയധികം പരിഗണിക്കപ്പെട്ടിട്ടുള്ളതാണ്.

എന്നാൽ മാനവവിഭവശേഷിയുടെ കടുത്ത ക്ഷാമം ജർമനി നേരിടുന്നുണ്ട്. ഇതു മറികടക്കാനായി മികച്ച തൊഴിൽ നൈപുണ്യമുള്ളവരെ ജർമനിയിലേക്ക് ആകർഷിക്കുന്നതിന് കുടിയേറ്റ നിയമങ്ങളിൽ മാറ്റങ്ങൾ വരുത്താൻ രാജ്യം പ്രേരിതമായി. ഇതിന്റെ ഭാഗമായാണ് ഓപ്പർട്യൂണിറ്റി കാർഡ് നിലവിൽ വരുന്നത്.