മാറ്റ് കൂട്ടും മാറ്റുകൾ

ചെറിയ മുറികളിലും കുട്ടികളുടെ കിടപ്പുമുറികളിലും പാറ്റേൺഡ് കാർപെറ്റാകും നല്ലത്

വീട്ടിലെ ഫർണിച്ചർ മുതൽ കർട്ടൻ വരെ എല്ലാം കാഴ്ചയിലും ഗുണമേന്മയിലും മികച്ചതായിരിക്കണമെന്നു ശാഠ്യം പിടിക്കുന്നവരാണു പല രും. എന്നാൽ ഈ നിർബന്ധം പലപ്പോഴും ഫ്ലോർ മാറ്റുകളുടെ കാര്യത്തിൽ ഉണ്ടാവാകാറില്ല. വീടിന്റെ ഭംഗിയും വൃത്തിയും സംരക്ഷിക്കുന്നതിൽ ഫ്ലോർ മാറ്റുകൾക്കു വലിയ പങ്കുണ്ട്.

മുറികൾക്ക് ഉണർവേകാനുള്ള കഴിവ് കാർപെറ്റുകൾക്കുണ്ട്. ഇന്റീരിയറിലെ മറ്റ് എലമെന്റുകളുമായി ചേർന്നു നിൽക്കുന്ന നിറവും ടെക്സ്ചറും ഗുണനിലവാരവുമുള്ള മാറ്റുകൾ തിരഞ്ഞെടുക്കാൻ പ്രത്യേകം ശ്രദ്ധിക്കണം.

ദി കോസി കൊക്കൂൺ

കൂൾ മിനിമലിസത്തിൽ നിന്നു കോസി കൊക്കൂണിങ്ങിലേക്കുള്ള മാറ്റത്തിലാണ് ഇന്റീരിയർ ട്രെൻഡുകൾ, ബെയ്ജ്, ഗ്രെ, ബ്രൗൺ, ചെസ്റ്റ്നട്ട് പിങ്ക് തുടങ്ങിയ വാം, ന്യൂട്രൽ നിറങ്ങളാണ് കോസി, കൊക്കൂൺ സ്റ്റൈലിൽ ഉൾപ്പെടുത്തുക. ബ്രൗൺ, ബെയ്ജ് എന്നീ നിറങ്ങൾക്കാണ് ഈ വർഷം സാധ്യതയേറെ. മുറികൾക്ക് എർത്തി ലുക്ക് നൽകാൻ ഈ കോംബോ സഹായിക്കും.

പഞ്ഞിപോലെ കാർപെറ്റ്