‘ભેડિયા’ ફિલ્મના ગુજરાતી કથા-લેખક નીરેન ભટ્ટ

‘તારક મહેતા કા ઉલ્ટા ચશ્મા'થી તેમની કારકિર્દીને એક નવો જ વળાંક મળ્યો. આર્થિક સ્થિરતા આવી. આ સિરિયલે દેશમાં જ નહીં, પરંતુ વિદેશોમાં પણ પ્રસિદ્ધિ અપાવી. તેમણે ૧૦૦૦ જેટલા એપિસોડ લખ્યા

- જિજ્ઞાસા સોલંકી

અરુણાચલ પ્રદેશનાં ગઢ જંગલોમાં હાઈવે નિર્માણના કામ માટે પોતાના મિત્રો સાથે જઈ રહેલા રોડ કોન્ટ્રાક્ટર ભાસ્કર (વરુણ ધવન)ને વરુ કરડે છે અને એ પછી અનપેક્ષિત રીતે એક પછી એક બનાવો બનતા રહે છે. એવા રહસ્યમય ઘટનાક્રમ સાથેની ફિલ્મ ‘ભેડિયા’ તેની કથા-પટકથા ઉપરાંત નિર્દેશન, ફોટોગ્રાફી, લોકેશન અને વીએફએક્સની અસાધારણ કમાલને કારણે પ્રેક્ષણીય બની છે. દિગ્દર્શક અમર કૌશિકે હોરર કોમેડી જેવા મુશ્કેલ જોનર પર હાથ અજમાવ્યો છે અને તે ઘણે અંશે સાફળ રહ્યો છે. આવી ફિલ્મમાં કોમેડીના મિશ્રણથી ગંભીર અને ડરાવના માહોલમાં હળવાશની ક્ષણો પ્રેક્ષકોને માટે મનોરંજક બની રહે છે. વરુણ ધવને ભાસ્કર તરીકે શ્રેષ્ઠ અભિનય કર્યો છે. ખાસ કરીને માનવમાંથી વધુમાં રૂપાંતરની પ્રક્રિયા બહુ સ્વાભાવિક લાગે છે. એ કમાલ દિગ્દર્શક સાથે ટેનિકની પણ છે. કથાને અનુરૂપ રહસ્યમય માહોલ સર્જવામાં અરુણાચલનાં ગાઢ જંગલો, પહાડો, પૂર્ણિમાની રાત્રીના પ્રાકૃતિક વાતાવરણ તેનાં અભિન્ન અંગ બની રહે છે. ડ્મિનો પ્રથમ ભાગ અત્યંત ચુસ્ત અને ઉત્સુકતા પ્રેરક બન્યો છે, પરંતુ ઇન્ટરવલ પછીનો ભાગ થોડી પકડ ગુમાવી દેતો જણાય છે, પરંતુ એકંદરે આ ફિલ્મ માણવા જેવી બની છે.

એકંદરે ‘ભેડિયા’ થ્રી-ડી ફિલ્મ તેની અલગ સ્ક્રિપ્ટ અને અદ્ભુત વીએફએક્સ (વિઝ્યુઅલ ઇફેક્સ)ને લીધે ચર્ચામાં છે. મેડોકની આ ફિલ્મમાં વરુણ ધવન, ક્રિતી સેનનથી લઈને દરેક કલાકારે ઉમદા કામ કર્યું છે. અભિષેક બેનર્જીએ તો સિંગલ હેન્ડેડ આખી ફિલ્મ પોતાના ખભા પર ઉઠાવી હોય એવા કોમિક ટાઇમિંગથી કમાલ કરી છે.