படிக்கவும், பணிபுரியவும் மிகக் குறைந்த கட்டணத்தில் தனி இடவசதி

முதல்வர் படைப்பகத்தை திறந்து வைத்தார் மு.க.ஸ்டாலின்

சென்னை, நவ. 4: மாணவர்கள் படிப்பதற்கும், பணியாளர்கள் தங்கள் பணிகளை மேற்கொள்ளவும் மிகக் குறைந்த கட்டணத்தில் தனி இடவசதியை உருவாக்கித் தரும், முதல்வர் படைப்பகத்தை முதல்வர் மு.க.ஸ்டாலின் திறந்து வைத்தார்.

சென்னை கொளத்தூரில் முதல்வர் படைப்பகம் அமைக்கப்பட்டுள்ளது. இதில், குடிமைப் பணித் தேர்வுகளில் கலந்துகொள்ளும் மாணவர்களுக்குத் தேவையான புத்தகங்கள் இடம் பெற்றுள்ளன. மாணவர்கள் எந்த இடையூறும் இன்றி படிக்கும் வகையில் அமைதியான சூழலும், நீண்ட நேரம் படிப்பதற்கு உகந்த இருக்கைகளும், கணினி, இணையதள வசதிகளும் உருவாக்கித் தரப்பட்டுள்ளன.