ஆசிரியப் பணியின் புனிதம் போற்றுவோம்!

திருவள்ளூர் மாவட்டம், பள்ளிப்பட்டு அருகே அரசுப் பள்ளி ஒன்றில் 3-ஆம் வகுப்பு பயிலும் மாணவி ஒருவரிடம் தவறாக நடந்து கொண்டதாக புகார் எழுந்ததன் பேரில், அப்பள்ளியின் தலைமை ஆசிரியர், உடன் பணியாற்றும் ஆசிரியர் என இருவரும் வேறு பள்ளிக்கு இடமாற்றம் செய்யப்பட்டுள்ளனர்.

- இரா. சாந்தகுமார்

ஆசிரியர்களாக மட்டுமின்றி, தந்தை நிலையிலிருந்தும் மாணவிகளை மகள் போல் பாதுகாக்க வேண்டியதும் ஆசிரியர்களின் கடமை.

‘எழுத்தறிவித்தவன் இறைவன்’ என்கிறது அதிவீரராமர் இயற்றிய ‘வெற்றிவேற்கை’ எனும் நீதி நூல். இதனை மறந்து ஆசிரியர்களில் சிலர், தமது பள்ளி மாணவிகளிடம் அத்துமீறுவதாக புகார்கள் எழுவது வேதனை அளிக்கிறது. ஒரு சிலரின் இத்தகைய செயலால் ஒட்டுமொத்த ஆசிரியர் சமூகத்திற்கும் தலைக்குனிவு ஏற்படுகிறது.

கிருஷ்ணகிரி மாவட்டத்தின் பள்ளி ஒன்றில் ஆசிரியர் என்ற போர்வையில் ஒரு நபர், போலியான தேசிய மாணவர் படை முகாம் நடத்தி அம்முகாமிற்கு மாணவிகளை அழைத்துச்சென்று பாலியல் அத்துமீறலில் ஈடுபட்ட சம்பவத்தைத் தொடர்ந்து, பள்ளிகளில் ஆசிரியர் பணிக்கு விண்ணப்பிக்கும் நபர்களின் நன்னடத்தை குறித்து திருப்தியான சான்றிதழ் பெறப்பட்ட பின்னரே, விண்ணப்பிக்கும் நபர் பள்ளியில் ஆசிரியராகப் பணியில் அமர்த்தப்படவேண்டுமென்று சென்னை உயர்நீதிமன்றம் ஆலோசனை அளித்துள்ளது.

தம்மிடம் பயிலும் மாணவர் ஏழ்மை நிலையில் இருப்பின் அம்மாணவருக்கு உதவும் ஆசிரியர்கள் இன்றும் இருக்கின்றனர்.

இரா. சாந்தகுமார்

50 ஆண்டுகளுக்கு முன் னர் எனது பள்ளிப் பருவத்தில் எங்கள் வகுப்பின் மூன்று மாணவர்கள் ஏழ்மையின் காரணமாக நல்ல சீருடை இல்லாததை அறிந்த என் தமிழாசிரியர், அந்த மாணவர்களுக்கு தன் செலவில் சீருடை தைத்துத்தந்தது இன்னமும் என் நினைவிலிருக்கிறது. ஆனால் தற்போதைய நிலையோ சற்றே மாறுபட்டு உள்ளது.