வங்கதேசத்தில் சிறுபான்மையினருக்கு எதிரான வன்முறை: வெளியுறவுச் செயலர்கள் சந்திப்பில் இந்தியா கவலை

வங்கதேச தலைநகர் டாக்காவில் இந்தியா மற்றும் வங்கதேச வெளியுறவுச் செயலர்கள் திங்கள்கிழமை சந்தித்தனர்.

தொடர்ந்து, வங்கதேச தலைமை ஆலோசகர் முகமது யூனுஸையும் மிஸ்ரி சந்தித்து ஆலோசனை மேற்கொண்டார்.

இந்தச் சந்திப்பின்போது, அந்நாட்டில் சிறுபான்மையினருக்கு எதிராக நிகழும் வன்முறை, அவர்களின் பாதுகாப்பு குறித்து இந்தியா தரப்பில் கவலை தெரிவிக்கப்பட்டது.

இடஒதுக்கீடு தொடர்பான வங்கதேசத்தில் வன்முறைப் போராட்டம் தீவிரமடைந்ததை அடுத்து, முன்னாள் பிரதமர் ஷேக் ஹசீனா ராஜிநாமா செய்துவிட்டு, இந்தியாவில் தஞ்சமடைந்துள்ளார்.

இந்த சூழலில், வங்கதேசத்தில் சிறுபான்மையினரான ஹிந்துக்கள் குறிவைத்து தாக்கப்பட்டனர்.