શું આપણા યુવાનો આલ્ફામેલની એબીસીડી ખોટી તો નથી ઘૂંટી રહ્યાને?

સૂતેલા પાંડુપુત્રો અને ઉત્તરાના ગર્ભને મારી નાખનાર હિંસક અશ્વત્થામા આલ્ફામેલ છે કે પોતાની પાસે પાશુપત’ જેવું સર્વાધિક શક્તિશાળી શસ્ત્ર હોવા છતાં આખાય યુદ્ધમાં એનો પ્રયોગ ન કરનાર અર્જુન આલ્ફામેલ છે?

- મિલી મેર

ફિલ્મ ‘samબહાદુર’માં ફિલ્ડ માર્શલ સામ માણેકશા એક દશ્યમાં હતાશ થઈ ગયેલા પોતાના સોલ્જર્સને કહે છે:

સૂરા સો પહેચાનીએ જો લડે દીન કે હેત પુર્જા પુર્જા કટ મરે, કબહૂ ન છÌ ખેત.

પહેલી ડિસેમ્બરે રિલીઝ થયેલી ‘એનિમલ’ ફિલ્મ પછી એક શબ્દ સોશિયલ મીડિયામાં ચર્ચામાં આવ્યો છે, એ શબ્દ છે ‘આલ્ફામેલ’. ફિલ્મના મુખ્ય પાત્રમાં રહેલી હઠ, હિંસા, વિકૃતિ અને વિચિત્ર વૃત્તિઓમાં ઘણા યુવાનો ‘આલ્ફામેલ’ની વ્યાખ્યા શોધી રહ્યા છે, પણ ‘આલ્ફામેલ’ની ખરી વ્યાખ્યા તો આપણને એ જ દિવસે રિલીઝ થયેલી ‘Samબહાદુર’ના આ દશ્યમાં કહેવાયેલા આ દોહામાં મળે છે. શીખ ધર્મમાં ગુરુવાણીના આ દોહામાં જે સ્વયં અજોડ આલ્ફામેલ કહી શકાય એવા ગુરુ ગોવિંદસિંહજી કહે છે કે, ‘શૂરવીરની એ ઓળખ છે કે એ દીન માટે લડે છે, જે અશક્ત છે, જેનામાં સા૨૫ છે, જે જગત અને મનુષ્યતાના હિતમાં છે એના માટે લડે છે અને એ લડાઈમાં પોતાના અસ્તિત્વના ટુકડે-ટુકડે થઈ જાય તોય મેદાન છોડતો નથી  પોતાનું લક્ષ્ય છોડતો નથી.’