અમે સામાન્ય માણસને કેન્દ્રમાં રાખીને નિર્ણયો લઈએ છીએઃ એકનાથ શિંદે

મહારાષ્ટ્રના રાજકારણમાં ભારે ઊથલપાથલ બાદ જ્યારથી એકનાથ શિંદે ભાજપમાં જોડાયા અને તેમણે મુખ્યમંત્રીપદ સંભાળ્યું ત્યારથી મહારાષ્ટ્રમાં વિપક્ષ અને તેમની વચ્ચેનો સંઘર્ષ ચર્ચાનો વિષય બન્યો છે. વિપક્ષી નેતા મુખ્યમંત્રીનો ઉલ્લેખ શિંદે સરકાર કરવાને બદલે ‘મિંધે સરકાર' કહીને દરરોજ તેમની કંઈક ને કંઈક ટીકા કરી રહ્યા છે. તેમ છતાં મુખ્યમંત્રી એકનાથ શિંદે શિવસેના પ્રમુખ બાળાસાહેબ ઠાકરેનું નામ પોતાના પક્ષ સાથે જોડીને પોતાના જૂથને મજબૂત બનાવી, વિરોધીઓ સામે ટકી રહ્યા છે. એક યા બીજી રીતે શિંદે સરકાર તેમના કામ દ્વારા મુંબઈ અને મહારાષ્ટ્રની જનતા સાથે સંવાદ કરીને તેમના પ્રશ્નો ઉકેલવાનો પ્રયાસ કરી રહી છે. ‘અભિયાન' દ્વારા મુખ્યમંત્રી એકનાથ શિંદે સાથે થયેલી વાતચીત અહીં પ્રસ્તુત છે.

- લતિકા સુમન

નવા વર્ષ માટે તમારી શું યોજનાઓ છે?

અમારી સરકાર સામાન્ય માણસને કેન્દ્રમાં લઈને આગળ વધી રહી છે. અમે છેલ્લા છ મહિનામાં લીધેલા નિર્ણયો એ જ દિશામાં છે. તેથી નવા વર્ષમાં અમે રાજ્યના સામાન્ય નાગરિકો, મહેનતુ મજૂરો, ખેડૂતો અને મહિલાઓના કલ્યાણ માટે આયોજન કરવાનો સંકલ્પ કર્યો છે. રાજ્યના દરેક વર્ગ પર ધ્યાન આપીને અમે તેમને ખુશ કરવા માટે કામ કરી રહ્યા છીએ.

જો તમે મહારાષ્ટ્રની વર્તમાન પરિસ્થિતિ અંગ કંઈક કહેવા માંગતા હો તો તમે શું કહેશો?

રાજ્યની હાલની સ્થિતિ ઘણી સારી છે. જ્યારથી અમારી સરકાર આવી છે, ત્યારથી અમે ઝડપી નિર્ણયો લઈ રહ્યા છીએ, તેથી જ સર્વત્ર સકારાત્મક વાતાવરણ જોવા મળે છે. લોકો પણ આ પરિવર્તન અનુભવી રહ્યા છે. સામાન્ય માણસને સામે રાખીને અમારું કામ ચાલી રહ્યું છે, પરંતુ જે લોકો અમારા કામને અવગણીને માત્ર અમારા વિશે રાજનીતિ કરવા માગે છે તેમના વિશે હું કંઈ કહીશ નહીં.

એક બાજુ મહારાષ્ટ્ર રાજ્યમાં આજે મુખ્ય મુદ્દો મહારાષ્ટ્ર-કર્ણાટક સરહદ વિવાદ છે, બીજી બાજુ મહારાષ્ટ્રનાં કેટલાંક ગામો ગુજરાત અને મધ્ય પ્રદેશમાં જોડાવાની માંગ કરી રહ્યા છે. આનું કારણ શું છે?

મહારાષ્ટ્ર-કર્ણાટક સરહદ વિવાદનો મામલો સુપ્રીમ કોર્ટમાં છે, નિષ્ણાત વકીલોની એક ટીમ મહારાષ્ટ્ર પક્ષનું મજબૂત પ્રતિનિધિત્વ કરવા ત્યાં છે. સંદર્ભમાં આ રાજ્ય વિધાનસભાના શિયાળુ સત્ર દરમિયાન તેને સર્વાનુમતે મંજૂર કરવામાં આવ્યો છે. રાજ્ય સરકારના માધ્યમથી અન્ય રાજ્યોની સરહદને અડીને આવેલાં ગામો તરફ ધ્યાન આપવામાં આવી રહ્યું છે, પરંતુ કેટલાક રાજકીય પક્ષો પોતાના રાજકીય સ્વાર્થ માટે અને રાજ્ય સરકાર પર દબાણ લાવવા માટે સરહદી રાજ્યોના ગ્રામજનોને ગેરમાર્ગે દોરી રહ્યા છે, પરંતુ અહીં હું તમને કહું છું કે રાજ્ય સરકાર આવી માગણી કરતા ગામોના વિકાસ માટે અને ગ્રામજનોની જરૂરી સુવિધાઓ માટે ચોક્કસ પગલાં લેશે.

મહારાષ્ટ્રનો વિકાસ એટલે વાસ્તવમાં શું? તમારા મતે મહારાષ્ટ્રનો વિકાસ કેવી રીતે થવો જોઈએ?