બાળપણમાં બીજ ઊગ્યાં વાંચનનાં..અમૃત ગંગર

સંસ્થાએ આપેલી જમીન પર પુસ્તકાલય બન્યું. ત્યાં કુમાર, અખંડ આનંદ, રમકડું, બકોર પટેલની વાર્તાઓ વાંચીને અમૃતભાઈ સામે એક ચમત્કારિક સૃષ્ટિ ખડી થઈ ગ

મુંબઈમાં વસતા અમૃત ભવાનજી ગંગર લેખક-થિયરિસ્ટ-ઈતિહાસકાર અને ક્યૂરેટર છે. એમની અંગત લાઈબ્રેરીમાં પાંચેક હજાર પુસ્તકો છે. ૧૦૦૦ જેટલાં ડિજિટલ પુસ્તકો છે. એ કહે છેઃ ‘મારો જન્મ કચ્છના છસરા ગામમાં થયો. પિતાજી રંગૂનમાં નોકરી કરતા, ત્યાં બર્મીઝમાં ડાયરી લખતા. કદાચ એમનો ભાષાપ્રેમ મારામાં આવ્યો. મારા જન્મ પછી અમે મુંબઈ આવ્યાં. પિતાજી અમારા માટે અંગ્રેજી પુસ્તકો લઈ આવતા. આજે હું બે ભાષામાં (ગુજરાતી-અંગ્રેજીમાં) લખી શકું છું એના મૂળ પિતાજીએ તે વખતે આપેલાં અંગ્રેજી પુસ્તકો હોઈ શકે. કમનસીબે, પિતાજી ૪૦નાયે નહોતા થયા ત્યાં એમને ફેફસાંનું કૅન્સર થયું. મારાં કાકા-કાકી નૅચરોપથ હતાં. એમણે પિતાજીનો કુદરતી ઉપચાર શરૂ કર્યો એટલે અમે ફરી કચ્છ ગયાં.’